1 SAMUEL 24:8 - Lai (Hakha) Common Language Bible 2006

⁸ A hnuah David zong cu a tho i lungkua chung khan a chuak i Saul kha, “Siangpahrang ka bawipa!” ti in a hei auh. Cun Saul nih a hnulei kha a hei zoh tikah David nih vawlei lei hoih in a kun i upatnak kha a tuah.

1 SAMUEL 24:8 ပူးပေါင်းရင်းမြစ်များ

GENESIS 17:3

Cun Abram cu a khuk aa bil i a bawh lioah Pathian nih cun,

1 SIANGPAHRANG 1:31

Cun Bathsheba cu vawlei lei hoih in a kun i siangpahrang sinah cun upatnak a tuah i, “David Siangpahrang ka bawipa cu zungzal in nung ko seh!” tiah a ti.

EXODUS 20:12

“Nan nu le nan pa kha upat hna u, cu ti nan tuah ahcun, Bawipa nan Pathian nih an pekmi hna ram ah hin saupi nan um lai.

ROM 13:7

Cucaah nan pek awk a simi kha va pe hna u, nan pumpak ngunkhuai siseh, nan thilri ngunkhuai siseh, pe hna u; hmaizah awk cu hmaizah hna u, upat awk cu upat hna u.

1 PETER 2:17

Mi vialte kha upat hna u, zumhnak i nan unau a simi kha daw hna u, Pathian kha ṭih u law Siangpahrang kha hmaizah u.

1 SAMUEL 20:41

Tlangvalpa kha a kal dih cangka, lungpon sir khan David cu a hung chuak i vawlei ah a bawk i voi thum a kun; cun pakhat le pakhat an i hnam i pakhat le pakhat an i ṭah, David kha a zualhma khun.

1 SAMUEL 24:7

Cuticun hi bia hin David nih a mi hna kha a lem khawh hna i Saul tuk kha a onh hna lo. Cun Saul cu a tho i lungkua khan a chuak i a kal.

1 SAMUEL 24:9

Cun David nih Saul cu, “Zeicahdah, ‘Zohhmanh, David nih nangmah fahnak kha a kawl,’ tiin an timi hna bia kha na ngaih?

1 SAMUEL 26:17

Saul nih David cu a hngalh i, “Mah cucu nangmah aw a si maw, David ka fapa?” tiah a ti. Cun David nih, “Keimah aw a si, ka bawipa, maw siangpahrang,” tiah a ti.

1 SAMUEL 28:14

Cun anih nih, “A mui zeidah a si?” tiah a ti. Cun anih nih, “Tarpa pakhat a hung kai i a angkifual aa hruk,” tiah a ti. Cun Saul nih Samuel a si kha a hngalh i vawlei leiah a lu a khun i upatnak kha a tuah.