1 SAMUEL 24:4 - Lai (Hakha) Common Language Bible 2006

⁴ Cun David cu a mi hna nih khan, “Zohhmanh, na ral cu na kut chungah kan pek lai i nangmah nih a ṭha na tining paoh in a cungah na tuah lai, tiah Bawipa nih an timi ni kha mah hihi a si cang,” tiah an ti. Cun David cu a tho i a thlite in Saul puanki par kha a va hleh.

1 SAMUEL 24:4 ပူးပေါင်းရင်းမြစ်များ

2 SAMUEL 4:8

Isbosheth lu cu David sinah Hebron ah khan an ratpi. Cun siangpahrang sinah khan, “Mah hihi na nunnak an kawltu na ral Ishbosheth, Saul fapa i a lu kha a si; nihin ah hin siangpahrang ka bawipa cu Saul le a tefa hna cungah khan Bawipa nih phu an hlampiak cang,” tiah an ti.

JOB 31:31

Ka sin i rian a ṭuanmi dihlak nih, khualtlung ka donh bal hna lo le

SALM 142:1

Bawmhnak hmuhduh ah Bawipa cu ka auh i amah cu ka nawl.

SALM 57:1

Ka zaangfah ko, Maw Pathian, ka zaangfah ko, himnak hmuh duh ah nangmah cu ka fuh. Thlichia ṭihnung a dih hlantiang, na thlazung in ka huppheng ko.

EXODUS 21:13

Asinain ruah ciammam si loin a thah sual a si ahcun, nan caah kan chiahpiak laimi hna hmun ah a zaam lai.

1 SAMUEL 22:1

Cun David cu cuka cun a chuak i Adullam lungkua ah khan a zam; cun a unau hna le a pa innchungkhar vialte nih an theih tikah, khika ah amah sinah cun an vung kal.

1 SAMUEL 23:17

Cun amah kha, “Na thinphang hlah; zeitintiah ka pa Saul kut nih nangmah cu an hmu bal lai lo; nangmah cu Israel siangpahrang na si lai i keimah cu an changtu ka si lai; ka pa Saul zong nih mah hi a hngalh ko,” tiah a ti.

1 SAMUEL 23:7

Cun Saul kha, David cu Keilah ah a ra cang, tiah an chimh. Cun Saul nih, ‘Amah cu keimah kut chungah Pathian nih a ka pek cang; zeitintiah kutka le hrenhnak a ngeimi khua ah a luhnak thawngin, amah le amah aa hrenh khumh cang,” tiah a ti.

1 SAMUEL 24:10

Zohhmanh, zeitintiah Bawipa nih nangmah cu nihin ah, lungkua ah khan, keimah kut chung i an pek kha, nangmah mit nih nihin hrimhrim ah a hmuh cang; mi cheu nih cun nangmah thah awk kha an ka fial, sihmanhsehlaw keimah nih kan zuah. ‘Ka bawipa cu Bawipa chiti thuhmi a si caah a cungah ka kut ka samh lai lo,’ tiah ka ti.

1 SAMUEL 24:18

Bawipa nih keimah cu nangmah kut chung i a ka chiah tik i na ka thah lo caah hin, ka cung i zaangfahnak na tuahmi kha nihin ah hin na langhter.

1 SAMUEL 26:23

Bawipa nih mi zeipaoh kha a dinnak ca le zumhawktlak a sinak caah laksawng a pek cio hna; zeitintiah Bawipa nih nangmah cu nihin ah ka kut chungah an pek, asinain Bawipa chiti thuhmi cungah khan ka kut ka samh duh lo.