1 SAMUEL 24:15 - Lai (Hakha) Common Language Bible 2006

¹⁵ Cucaah Bawipa cu biaceihtu si seh law, nangmah le keimah karlak bia hi chat seh, ka zohpiak seh law ka bia hi ka chimpiak seh law, nangmah kut chung hin ka chuah ko seh,” tiah a ti.

1 SAMUEL 24:15 ပူးပေါင်းရင်းမြစ်များ

2 CHANRELNAK 24:22

Cuticun siangpahrang a simi Joash nih khan, Zekhariah pa Jehoiada nih a cung i zaangfahnak a rak tuahmi kha a hngal duh lo i a fapa kha a thah. Cun a thih lioah khan, “Bawipa nih hmu seh law phuhlam ko seh,” tiah a ti.

SALM 119:154

Ka bia ka chimpiak law ka luatter tuah, bia na ka kamh bang khan ka khamh tuah.

SALM 35:1

A ka dohmi kha do ve hna law a ka tumi kha tu ve hna, Maw Bawipa.

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

MIKAH 1:2

Mi vialte hna, nan dihlak in ngai tuah u; Maw vawlei le a chung i a ummi vialte hna nan hna chi tuah u, Zeitintiah Bawipa Pathian nih nannih cu sual phawt awkah a biakinn thiang chung khan bia a run chim.

MIKAH 7:9

Bawipa cungah cun ka sual cang, cucaah a thinhunnak cu tu caan tlawmte chung cu ka in lai. Sihmanhsehlaw a donghnak ah cun keimah kha a ka ṭanh lai i ka cung i ṭhat lonak an tuahmi vialte kha ding tein a tuah ṭhan dih lai.

BIACEIHTU 11:27

Cucaah nangmah cungah ka sual lo, ka cung i ral na ser caah hin nangmah tu nih ka cungah na sual; Bawipa, Biaceihtu nih nihin ah hin Israel mi le Ammon mi hna karlak ah bia khiak seh,” tiah a ti.

1 SAMUEL 17:43

Cun Filistin mipa nih cun David cu, “Uico maw ka si i fung he na ka rathnawh?” tiah a ti. Cun Filistin mipa nih cun a pathian hna kha i chalh in David cu chiat a serh.

1 SAMUEL 24:12

Keimah le nangmah karlakah Bawipa nih bia kan ceih ko seh, Bawipa nih nangmah cungah phu ka hlampiak ko seh; sihmanhsehlaw ka kut nih cun an tu lai lo.

1 SAMUEL 25:39

David nih Nabal kha a thi tiah a theih tikah, “Nabal kut ah ningzahnak ka hmuhmi phu a hlam i a sal kha ṭhat lonak tuah loin a ka khamtu Bawipa cu thangṭhat si ko seh; Bawipa nih Nabal cu ṭhat lonak a tuahmi kha amah lu cung lila ah a tlunter ṭhan,” tiah a ti. Cun David nih mi a hei thlah hna i Abigail kha a nupi caah an len.

1 SAMUEL 26:20

Cucaah cun ka thisen hi Bawipa hmuhphak lonak vawlei ah luang hlah seh; zeitintiah vaking kah awkah tlang cungah ram a vaimi bantukin Israel siangpahrang nih ka nunnak kha hloh awkah a ra chuak cang,” tiah a ti.

1 SAMUEL 26:4

David nih ngiatu a thlah hna i Saul cu a ra taktak ko, ti kha a hngalh.