1 SAMUEL 24:14 - Lai (Hakha) Common Language Bible 2006

¹⁴ Israel siangpahrang nih hin ahodah a chuahhnawh? Ahodah na dawimi hi a si? Ui thi cia! Uihli a si ko!

1 SAMUEL 24:14 ပူးပေါင်းရင်းမြစ်များ

2 SAMUEL 16:9

Khi tikah Zeruiah fapa Abishai nih siangpahrang sinah cun, “Zeicahdah hi uico thi cia nih hin siangpahrang ka bawipa cu chiat a serh len ko hnga? Va kal ning law a lu khi va chok tuah ning,” tiah a ti.

2 SAMUEL 3:8

Khi tikah Ishbosheth bia ruangah khan Abner cu a thin a hung ngaingai i, “Judah pawl uico lu maw ka si! Nihin tiangin na pa Saul innchungkhar hna cung le a unau hna cung le a hawikom hna chungah zumhawktlak in ka um ko rih i David kut chungah nangmah cu kan chaan lo; cun maw nang nih nihin ah hin, nu he sual na hei ka puh.

2 SAMUEL 6:20

Cun David cu a innchungkhar kha thluachuah pek awkah a va kir. Sihmanhsehlaw Saul fanu Mikhal nih khan David cu ton awkah a ra chuak i, “Nihin cu Israel siangpahrang cu a sunglawi ko cu ta, mizeiruaramlo pakhat nih ningzah hngal loin a hnipuan aa phoih bantukin pei, a sal hna i an salnu hna hmaiah, nihin ah aa phoih ve kha!” tiah a ti.

2 SAMUEL 9:8

Cun upatnak kha a tuah i, “Na salpa hi zeidah ka si i uico thi cia bantuk keimah hi na ka hramh?” tiah a ti.

1 SIANGPAHRANG 21:7

Cun a nupi Jezebel nih a thawh i, “Israel hi atu ah nangmah nih na uk maw? Tho law rawl ei law na lung kha lawmhter tuah; Jezreel mi Naboth mitsur dum cu keimah nih kan pek lai,” tiah a ti.

HOSEA 10:13

Sihmanhsehlaw nannih nih ṭhat lonak tu kha nan tuh i a theitlai kha nan zun. Nan lih chimmi nih a chuahtermi theitlai kha nan ei cang. Nannih nih nan rangleng hna le nan ralkap hna kha nan i bochan caah,

1 SAMUEL 17:43

Cun Filistin mipa nih cun David cu, “Uico maw ka si i fung he na ka rathnawh?” tiah a ti. Cun Filistin mipa nih cun a pathian hna kha i chalh in David cu chiat a serh.

1 SAMUEL 26:20

Cucaah cun ka thisen hi Bawipa hmuhphak lonak vawlei ah luang hlah seh; zeitintiah vaking kah awkah tlang cungah ram a vaimi bantukin Israel siangpahrang nih ka nunnak kha hloh awkah a ra chuak cang,” tiah a ti.