1 SAMUEL 24:12 - Lai (Hakha) Common Language Bible 2006

¹² Keimah le nangmah karlakah Bawipa nih bia kan ceih ko seh, Bawipa nih nangmah cungah phu ka hlampiak ko seh; sihmanhsehlaw ka kut nih cun an tu lai lo.

1 SAMUEL 24:12 ပူးပေါင်းရင်းမြစ်များ

GENESIS 16:5

Khi tikah Sarai nih Abram cu a thawh i, “Hagar nih zeihmanh i a ka rel lo hi nangmah palh a si. Keimah hrimhrim nih ka sal cu kan pek i fa ka pawi ti aa hngalh cangka keimah kha a ka serhsat. Cucaah kannih pahnih lakah hin ahodah a ding ti kha Bawipa nih kan ceih seh,” tiah a ti.

GENESIS 31:53

Abraham Pathian le Nahor Pathian cu kan karlak biaceihtu si seh,” a ti. Cun Jakob nih khan a pa Isak nih a biakmi Pathian min in biakamnak a tuah.

2 SAMUEL 22:48

Ka phu a ka hlampiak i ka tangah miphun hna a chiatu,

1 CHANRELNAK 12:18

Khi tikah sawm thum hna lak i haotu bik Amasai cungah khan Thlarau a tlung i amah nih cun hi bangin a ti: “Kannih cu nangmah ta kan si, maw David; Maw Jesse fapa, nangmah sin tel kan si; Daihnak, daihnak cu na sinah um ko seh, Daihnak cu nangmah an bawmtu hna cungah um ko seh! Zeitintiah na Pathian nih an bawmh.” Khi tikah David nih tlun inn a onh hna i a ralkap hna haotu bawi ah khan a ser hna.

JOB 5:8

“Kei cu, nang ka si ahcun, Pathian kha ka fuh ko hnga i Amah sinah khan ka konglam cu ka chiah ko hnga;

SALM 35:1

A ka dohmi kha do ve hna law a ka tumi kha tu ve hna, Maw Bawipa.

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

SALM 94:1

Bawipa, nang cu phuhlamtu Pathian na si, na thinhunnak kha langhter tuah.

ROM 12:19

Phuhlam hmang hlah u, ka naule hna; Pathian thinhunnak tu nih khan cucu tuah deuh ko seh. Zeicahtiah Cathiang nih pei, “Phuhlam cu keimah rian a si, keimah nih ka lehrulh hna lai, tiah Bawipa nih a ti,” a ti kha.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

BIAPHUAN 6:10

Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.

BIACEIHTU 11:27

Cucaah nangmah cungah ka sual lo, ka cung i ral na ser caah hin nangmah tu nih ka cungah na sual; Bawipa, Biaceihtu nih nihin ah hin Israel mi le Ammon mi hna karlak ah bia khiak seh,” tiah a ti.

1 SAMUEL 20:1

Khi tikah David cu Ramah khua chung i Naioth khan a zam i Jonathan sinah a kal i, “Zeidah ka tuah? Zeidah ka mawhnak a si? Na pa hmaiah zeidah ka sualnak a si i ka nunnak a ka kawl hi?” tiah a ti.

1 SAMUEL 24:15

Cucaah Bawipa cu biaceihtu si seh law, nangmah le keimah karlak bia hi chat seh, ka zohpiak seh law ka bia hi ka chimpiak seh law, nangmah kut chung hin ka chuah ko seh,” tiah a ti.

1 SAMUEL 26:23

Bawipa nih mi zeipaoh kha a dinnak ca le zumhawktlak a sinak caah laksawng a pek cio hna; zeitintiah Bawipa nih nangmah cu nihin ah ka kut chungah an pek, asinain Bawipa chiti thuhmi cungah khan ka kut ka samh duh lo.