1 SAMUEL 24:11 - Lai (Hakha) Common Language Bible 2006

¹¹ Zohhmanh, ka pa, ka kut chung i na puanki par hi zohhmanh; na puanki par ka hlep nain nangmah kan thah lonak ah hin, ka kut chungah ṭhat lonak siseh, rawinak siseh, a um lo ti kha na hngalh lai i na hmuh ko lai. Nangmah nih ka nunnak kha lak awkah na kawl lengmang nain, na cungah ka sual lo.

1 SAMUEL 24:11 ပူးပေါင်းရင်းမြစ်များ

2 SAMUEL 1:14

David nih amah cu, “Zeitindah a si e, nangmah nih Bawipa chiti thuhmi hrawh awk i na kut zao na ṭih lo cu?” tiah a ti.

2 SIANGPAHRANG 5:13

Sihmanhsehlaw a sinum hna nih khan an va naih i, “Ka pa, profet nih khan thil ngan pakhatkhat tuah in fial seh law tuah loin maw na um hnga? A si kun ahcun, ‘Va kholh law va thiang; an ti tikah hin, zeitluk in dah tuah chinchin awk a si,” tiah an ti.

JOB 10:16

Chiandeih bantukin ka hun i porhlawt ah Na ka kawl i ka cungah khuaruahharmi thil kha na tuah ṭhan;

SALM 119:161

Miṭhawng nih ding lo piin an ka serhsat, sihmanhsehlaw na phunglam cu ka hmaizah.

SALM 140:11

Lih in midang sual a puhmi cu, mi sual an puhnak hna ah khan thluachuak hna hlah seh; mipuarhrang cu ṭhat lonak nih khan tlak hna seh law hrawk hna seh.

SALM 35:7

Sullam zeihmanh um loin keimah foihnak ding caah rap an chiah i keimah tlaknak ding caah khor thukpi an cawh.

SALM 59:3

Zohhmanh, keimah cu thah awkah an ka bawh, keimah doh awkah mipuarhrang pawl cu an i pum.

SALM 7:5

Ka ral nih ka dawi hna seh law ka tlai hna seh, ka tu hna seh law ka that hna seh, vawlei ah nunnak ngei loin ka hril ta hna seh! Selah

PHUNGTHLÛKBIA 15:1

Lehnak nem nih thinhunnak a damter, sihmanhsehlaw biahrang nih cun thin a phawh.

ṬAHNAK HLA 4:18

Kannih nih kan chuah tikah zapi lam kha hrial in lamte kha kan zul; Kan ni cu a dong ko cang, Kan donghnak cu a phan cang.

EZEKIEL 13:18

Annih cu thawh hna law, law, ‘Mah hihi Bawipa Pathian bia a si ti hna: Pa kha foih khawh nakding caah banrek ca i kutkhih a ṭhi i a mi kip nih an kum rup cio ah an i khuh khawh awkah lukhuh a sermi minu hna, nannih cu kan fih hna; nannih nih ka mi hna nunnak cu thah awkah kawl in nanmah nunnak tu cu him tein umter awk kha nan timh maw?

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

JOHAN 15:25

Cucu a si awk a si ko, zeicahtiah cuticun pei an Phung chung i, ‘Zei ruang lo ah an ka huat,’ tiah aa ṭialmi kha a tlin khawh ding a si cu.

1 SAMUEL 12:3

Hika ah hin ka um hih; Bawipa le a chiti thuhmi hmaiah hin ka soi tuah u. Aho cawtum ka la bal maw? Aho laa ka la bal maw? Aho tal ka hleng bal hna maw? Aho tal ka hrem bal maw? Ka mit phenhtertu ah aho sinin nawhthuh ka la bal maw? Ka chim u law, kan rulh hna lai,” tiah a ti.

1 SAMUEL 18:27

David cu a mi hna he khan an tho i an kal i Filistin mi kha za hnih an thah hna i David nih an cuarpar cu a rak phorh hna i siangpahrang tupa a si nakhnga, siangpahrang sinah cun tling tein a pek hna. Cun Saul nih a fanu Mikhal cu nupi caah a pek.

1 SAMUEL 23:14

Cun David cu ramlak i ralhruang chungah khan a um, Zif Ramlak tlangram ah khan. Cun Saul nih ni fate in a kawl, sihmanhsehlaw Pathian nih amah kha a kut chungah a pe lo.

1 SAMUEL 23:23

Cucaah cun, aa thuhnak hmun vialte kha vaa chingchiah u law, ka sinah a dik hrimhrimmi theihnak he ra ṭhan u. Khi tikah nannih sinah ka kal lai i hi ram chungah a um paohpaoh ahcun, Judah mi a thongthong vialte hna lakah hin, amah cu ka kawl lai,” tiah a ti.

1 SAMUEL 25:28

Na salnu ka sualnak cu ka ngaithiam ko sawh; zeitintiah ka bawipa nih Bawipa raltuknak kha a tuk caah Bawipa nih ka bawipa cu a fekmi inn a serpiak ṭheo lai i na nun chung paohpaoh nangmah chungah ṭhat lonak hmuh awk a um lai lo.

1 SAMUEL 26:18

Cun anih nih, “Zeicahdah ka bawipa nih hin a salpa hi a dawi lengmang ko hnga? Zeidah ka tuahmi a um? Zei mawhnak dah ka kut chungah a um?

1 SAMUEL 26:20

Cucaah cun ka thisen hi Bawipa hmuhphak lonak vawlei ah luang hlah seh; zeitintiah vaking kah awkah tlang cungah ram a vaimi bantukin Israel siangpahrang nih ka nunnak kha hloh awkah a ra chuak cang,” tiah a ti.

1 SAMUEL 26:23

Bawipa nih mi zeipaoh kha a dinnak ca le zumhawktlak a sinak caah laksawng a pek cio hna; zeitintiah Bawipa nih nangmah cu nihin ah ka kut chungah an pek, asinain Bawipa chiti thuhmi cungah khan ka kut ka samh duh lo.