1 SAMUEL 23:4 - Lai (Hakha) Common Language Bible 2006

⁴ Cun David nih Bawipa cu a hal ṭhan. Cun Bawipa nih a leh i, “Tho law, Keilah ah cun vung kal ko; zeitintiah Filistin mi hna cu na kut chungah kan pek lai,” tiah a ti.

1 SAMUEL 23:4 ပူးပေါင်းရင်းမြစ်များ

2 SAMUEL 2:1

Hi hnuah hin David nih Bawipa kha a hal i, “Judah ram chung khua pakhatkhat ah ka hung kal lai maw?” tiah a ti. Cun Bawipa nih amah cu, “Hung kal,” tiah a ti. David nih, “Khuazei ah khin dah ka hung kal hnga?” tiah a ti. Anih nih, “Hebron ah,” tiah a ti.

2 SAMUEL 5:19

Cun David nih Bawipa kha a hal i, “Filistin mi hna doh awkah ka hung kal lai maw? Annih cu ka kut chungah na ka pe hna hnga maw?” tiah a ti. Cun Bawipa nih David cu, “Hung kal ko, zeitintiah Filistin mi cu na kut chungah kan pek hrimhrim hna lai,” tiah a ti.

2 SIANGPAHRANG 3:18

Mah hi cu Bawipa mithmuh ah cun a fawimi thil a si ko; Moab mi hna zong cu nan kut chungah an pek hna lai,

1 CHANRELNAK 14:10

Cun David nih Pathian kha a hal i, “Filistin mi hna doh awkah ka hung kal lai maw? Annih cu ka kut chungah na ka pe hna hnga maw?” tiah a ti. Cun Bawipa nih amah cu. “Hung kal ko, annih cu na kut chungah kan pek hna lai,” tiah a ti.

JOSHUA 8:7

khi tikah nan lamhruang ahnak khan nan tho lai i khua cu nan tlaih lai; zeitintiah Bawipa nan Pathian nih nan kut chungah an pek hna lai.

BIACEIHTU 6:39

Cun Gideon nih Pathian sinah, “Ka cungah na thinhunnak kanghter sawh hlah, hi voi khatte hi cu ka chimter ko rih; hi voi khatte hi cu tuu hmul he hin ka hneksakter ko rih; tuu hmul lawnglawng hi ro seh law vawlei vialte ah hin dap tla seh tiah kan nawl,” tiah a ti.

BIACEIHTU 7:7

Cun Bawipa nih Gideon cu, “A liah in a liakmi mi za thum khan nannih cu kan khamh hna lai i Midian mi cu nan kut chungah kan pek hna lai; a dang vialte cu an inn cio ah kal hna seh,” tiah a ti.

BIACEIHTU 7:9

Khi zan ṭhiamṭhiam ah cun Bawipa nih amah cu, “Tho law, an riahhmun cu vung do tuah, zeitintiah na kut chungah kan pek cang.

1 SAMUEL 10:22

Cucaah Bawipa kha an hal ṭhan i, “Mipa kha hika ah a ra maw?” an ti. Cun Bawipa nih, “Zohhmanh, thilri lakah aa thup ko,” tiah a ti.

1 SAMUEL 23:2

Cucaah David nih Bawipa cu a hal i, “Hi Filistin mi hna hi ka va kal in ka va tu hna lai maw?” tiah a ti. Cun Bawipa nih David cu, “Va kal law, Filistin mi kha va tu hna law, Keilah kha va khamh tuah,” tiah a ti.

1 SAMUEL 23:3

Sihmanhsehlaw David cu a mi hna nih, “Zohhmanh, hika Judah ram chung hmanh ah kan ning a ṭi; Keilah khua i vung kal i Filistin ralkapbu hna vung tuk cu zeitluk in dah kan ṭih chinchin lai?” tiah an ti.

1 SAMUEL 23:5

Cun David le a mi hna cu Keilah ah cun an kal i Filistin mi hna he cun an i tu, cun an saṭil hna kha an lakpiak hna i annih kha tampi an thah hna. Cuticun David nih Keilah khuami hna cu a luatter hna.

1 SAMUEL 28:6

Cun Saul nih Bawipa kha a hal tikah Bawipa nih mang in siseh, Urim in siseh, profet hna in siseh, a let lo.

1 SAMUEL 30:8

Cun David nih Bawipa kha a hal i, “Hi bu hi ka dawi hna lai maw? Ka phan hna hnga maw?” tiah a ti. A leh i, “Dawi hna, zeicahtiah na phak hrimhrim hna lai i na chanh khawh hrimhrim hna lai,” tiah a ti.