1 SAMUEL 23:26 - Lai (Hakha) Common Language Bible 2006

²⁶ Saul cu tlang khattelei kam khan a kal i David le a mi hna cu tlang khattelei kam khan an kal, cun Saul le a mi hna nih khan David le a mi hna kha tlaih awkah an naih chin lengmang hna caah David cu Saul sin khan khulrang in a zam;

1 SAMUEL 23:26 ပူးပေါင်းရင်းမြစ်များ

2 SAMUEL 15:14

Cun David nih Jerusalem ah a sin i a ummi vialte hna kha, “Tho u law, zam u si; Absalom sin hin kan caah luatnak um loin a um sual lai; khulrang in kal u, cu ti a si lo ahcun a kan phanh sual lai i kan cungah ṭhat lonak a tlunter sual lai i khuapi hi vainam in a sam dih sual lai,” tiah a ti.

2 CHANRELNAK 20:12

Maw kan Pathian, an cungah biaceihnak na tuah hnga lo maw? Zeitintiah kannih doh awkah a kan rathnawhtu hi bu nganpi hmaiah hin kannih cu santlailo kan si ko. Zei tuah awk kan hngal lo, sihmanhsehlaw kan mit lawng kha na cungah a um ko,” tiah a ti.

SALM 17:11

kaa mernak lei paoh ah khan an rak um dih, keimah thluk khawhnak ding caan ṭha kha an bawh.

SALM 22:12

Ka ral nih cawtum bantukin an ka kulh, Bashan ram cawtum ṭihnung pipi bantuk nih khan an ka kulh.

SALM 22:16

Miṭhalo bu nih an ka kulh, uico run bantukin an ka zuanhnawh; ka kut le ka ke ah an ka seh.

SALM 31:22

ka thin a phang i na sinah umter ti loin na ka dawi cang rua tiah ka ruah. Sihmanhsehlaw nangmah sinah bawmhnak hal in ka au tikah ka aunak kha na rak theih.

2 KORIN 1:8

U le nau hna, Asia peng chung i harnak kan tonmi kha hngalhter ṭhan kan in duh hna. Kan cung i an kan khinhmi thil kha rak rit tuk, rak ngan tuk kaw, nun lai hmanh kan i ruah lo.

BIAPHUAN 20:9

Vawleicung khuazakip ah khan an i ṭhek i Pathian mi hna umnak hmun le Pathian nih a dawtmi khua kha an kulh. Sihmanhsehlaw van in mei a rung tla i a thah dih hna.

BIACEIHTU 16:2

Gaza mi hna cu, “Samson hika ah a ra,” tiah an chimh hna i annih nih a hmun kha an kulh i khua hauka khan zan khuadei an bawh. Zan khuadei dai tein an um i, “Zinglei khua a dei tiang hngak u sih; cun khi tikah kan thah lai,” an ti.

1 SAMUEL 19:12

Cucaah Mikhal nih David cu thlalangawng in a vun thlak i a zam i a luat.

1 SAMUEL 20:38

Cun Jonathan nih tlangvalpa cu a hei auh i, “Khulrang in i namhnawh, um hlah,” tiah a ti. Cucaah Jonathan tlangvalpa nih khan thal kha a char zokzok hna i a bawipa sinah khan a ra.

1 SAMUEL 23:25

Cun Saul le a mi hna cu amah kawl awkah khan an kal. Cun David cu an chimh; cucaah Maon ramlak i a ummi lungpi ah khan a vung kal. Cun mah cucu Saul nih a theih tikah, Maon ramlak ah cun David kha a dawi lengmang.

1 SAMUEL 23:27

khi tikah khan lamkaltu pakhat cu Saul sinah khan a ra i, “Khulrang in ra tuah, zeicahtiah ram kha Filistin mi nih an chim,” tiah a ti.