1 SAMUEL 23:2 - Lai (Hakha) Common Language Bible 2006

² Cucaah David nih Bawipa cu a hal i, “Hi Filistin mi hna hi ka va kal in ka va tu hna lai maw?” tiah a ti. Cun Bawipa nih David cu, “Va kal law, Filistin mi kha va tu hna law, Keilah kha va khamh tuah,” tiah a ti.

1 SAMUEL 23:2 ပူးပေါင်းရင်းမြစ်များ

2 SAMUEL 2:1

Hi hnuah hin David nih Bawipa kha a hal i, “Judah ram chung khua pakhatkhat ah ka hung kal lai maw?” tiah a ti. Cun Bawipa nih amah cu, “Hung kal,” tiah a ti. David nih, “Khuazei ah khin dah ka hung kal hnga?” tiah a ti. Anih nih, “Hebron ah,” tiah a ti.

2 SAMUEL 5:19

Cun David nih Bawipa kha a hal i, “Filistin mi hna doh awkah ka hung kal lai maw? Annih cu ka kut chungah na ka pe hna hnga maw?” tiah a ti. Cun Bawipa nih David cu, “Hung kal ko, zeitintiah Filistin mi cu na kut chungah kan pek hrimhrim hna lai,” tiah a ti.

2 SAMUEL 5:23

Cun David nih Bawipa kha a hal tikah, “Na hung kal hnga lo; an hnulei in na va hel hna lai i balsam thing zawn khan na nam hna lai.

1 CHANRELNAK 14:10

Cun David nih Pathian kha a hal i, “Filistin mi hna doh awkah ka hung kal lai maw? Annih cu ka kut chungah na ka pe hna hnga maw?” tiah a ti. Cun Bawipa nih amah cu. “Hung kal ko, annih cu na kut chungah kan pek hna lai,” tiah a ti.

SALM 32:8

Bawipa nih, “Na zulh awk hnga lam kha kan hmuhsak lai, kan cawnpiak lai i lungthin kan cheuh lai.

JEREMIAH 10:23

Maw Bawipa, minung nih a zulhmi a lam hi amah nih aa thimmi an si lo i A nun chung i a kalnak lam zong hi amah nih aa ser khawhmi an si lo ti kha ka hngalh.

NAMBAR 27:21

Cun tlangbawi Eleazar hmaiah khan a dir lai i amah nih Bawipa hmaiah Urim in bia a halpiak lai; amah bia in an chuak lai i amah bia in an lut lai, amah le amah sinah a ummi Israel mi an dihlak in, mibu cu a ning piin,” tiah a ti.

JOSHUA 9:14

Cucaah mi hna nih cun an hun phorhmi riahcaw cu an ei pi hna i Bawipa awka zeihmanh an ngai lo.

BIACEIHTU 1:1

Joshua a thih hnuah Israel mi nih Bawipa kha an hal i, “Kanaan mi hna kha doh awkah ahodah kan caah a hmasa bik ah a kal lai?” tiah an ti.

1 SAMUEL 10:22

Cucaah Bawipa kha an hal ṭhan i, “Mipa kha hika ah a ra maw?” an ti. Cun Bawipa nih, “Zohhmanh, thilri lakah aa thup ko,” tiah a ti.

1 SAMUEL 14:37

Cun Saul nih Pathian cu a hal i, “Filistin mi cu ka vung dawi hna lai maw? Annih cu Israel mi hna kut chungah na pe hna lai maw?” tiah a ti. Sihmanhsehlaw khi ni ah cun amah cu a let lo.

1 SAMUEL 23:3

Sihmanhsehlaw David cu a mi hna nih, “Zohhmanh, hika Judah ram chung hmanh ah kan ning a ṭi; Keilah khua i vung kal i Filistin ralkapbu hna vung tuk cu zeitluk in dah kan ṭih chinchin lai?” tiah an ti.

1 SAMUEL 23:4

Cun David nih Bawipa cu a hal ṭhan. Cun Bawipa nih a leh i, “Tho law, Keilah ah cun vung kal ko; zeitintiah Filistin mi hna cu na kut chungah kan pek lai,” tiah a ti.

1 SAMUEL 23:6

Ahimelek fapa Abiathar nih David sinah, Keilah i a zam tikah khan, tlangbawi angki pakhat he a rung.

1 SAMUEL 30:8

Cun David nih Bawipa kha a hal i, “Hi bu hi ka dawi hna lai maw? Ka phan hna hnga maw?” tiah a ti. A leh i, “Dawi hna, zeicahtiah na phak hrimhrim hna lai i na chanh khawh hrimhrim hna lai,” tiah a ti.