1 SAMUEL 22:8 - Lai (Hakha) Common Language Bible 2006

⁸ nannih i nan dihlak in nan ka rawiphiar len ko hi? Ka fapa nih Jesse fapa he ṭanṭinak a tuah tikah, ahohmanh nih ka sinah nan phuang lo i ka fapa nih ka sinum kha nihin ah a si bantuk hin, keimah doh awk le keimah bawh awkah a forh tikah, keimah a ka ngaihchiatpitu pakhat hmanh nan um lo i a phuan zong keimah sinah ahohmanh nih nan phuang fawn lo,” tiah a ti.

1 SAMUEL 22:8 ပူးပေါင်းရင်းမြစ်များ

2 SIANGPAHRANG 6:11

Cun hi ruangah hin Siria siangpahrang cu a lungchung in a khuaruah a har ngaingai i a sinum cu a kawh hna i annih cu, “Ahodah kan lak i Israel siangpahrang ta a simi hi nan ka hmuhsak lai lo maw?” tiah a ti.

JOB 33:16

Khi tikah mi cu Pathian nih an hna kha a hunpiak hna i Ralrinnak a pekmi hna nih an thin a phanter hna.

1 SAMUEL 18:1

Saul sinah bia kha a chim dih tikah, Jonathan nunnak cu David nunnak ah aa ṭhitchih i Jonathan nih amah nunnak aa dawt tluk khan a dawt.

1 SAMUEL 18:3

Khi tikah Jonathan nih David sinah khan biakamnak a ser, zeitintiah amah nunnak bantukin a dawt.

1 SAMUEL 20:2

Cun anih nih, “A si hrimhrim lai lo! Na thi lai lo. Zohhmanh, ka pa nih hin thil ngan siseh, thil hme siseh zeihmanh keimah theihter loin a tuah lo; cun zeicahdah mah hi cu ka pa nih ka sinin a thuh lai? A thup hrimhrim lai lo,” tiah a ti.

1 SAMUEL 20:42

Cun Jonathan nih David cu, “Dai tein va kal ko, zeicahtiah, ‘Keimah le nangmah karah le ka tefa hna le na tefa hna karlak ah, zungzal in, Bawipa cu um ko seh,’ tiin pei Bawipa min in kan pahnih in chiat kan ser ṭi cang kha,” tiah a ti. Cun a tho i a kal; Jonathan cu khua chungah a lut.

1 SAMUEL 20:8

Cucaah nangmah nih na sal hi nangmah he biakamnak thiang chungah na luhpi cang caah, na sal cungah hin zaangfahnak ngei ko. Sihmanhsehlaw keimah chungah hin mawhnak a um a si ahcun, nangmah nih ka that ko; zeicahtiah, zeicahdah na pa sinah cun na ka kalpi len lai?” tiah a ti.

1 SAMUEL 22:13

Cun Saul nih amah cu, “Zeicahdah nannih nih nan ka rawiphiar, nangmah le Jesse fapa nih hin, nangmah nih changreu le nam kha na pek i Pathian sin hawi ah na hei halpiak, cucaah cun amah nih keimah cu doh awk le bawh awkah, nihin ah a si bang hin a tho,” tiah a ti.

1 SAMUEL 23:21

Cun Saul nih, “Bawipa nih thluachuah in pe ko hna seh; zeitintiah keimah cungah zaangfahnak nan ngei.