1 SAMUEL 22:7 - Lai (Hakha) Common Language Bible 2006

⁷ Cun a velchum i a dirmi a sinum hna sinah cun Saul nih a thawh i, “Nannih Benjamin mi hna, thei tuah u; Jesse fapa nih cun nan dihlak te hin maw lo le mitsur dum an pek cio hna lai i a thongthong haotu ah le a zaza haotu ah an ser cio hna lai,

1 SAMUEL 22:7 ပူးပေါင်းရင်းမြစ်များ

2 SAMUEL 18:1

Cun David nih a sin i a ummi kha a pumh hna i an cungah a thong pawl haotu le a za pawl haotu kha a chiah hna.

2 SAMUEL 20:1

Cun khika ah khan mizeiruaramlo pakhat, a min Sheba a simi, Benjamin miphun Bikhri fapa kha a rak um ngelcel i muko kha a tum i, “David chungah covo zeihmanh kan ngei lo, Jesse fapa chungah ro zeihmanh kan ngei lo; Maw Israel mi hna, nanmah le nan thlam cio ah kal dih u!” tiah a ti.

1 SIANGPAHRANG 12:16

Cun Israel mi vialte nih, siangpahrang nih kan bia a ngai lo ti kha an hmuh tikah, mi zapi nih cun siangpahrang cu an leh i, “David chungah zei covo dah kan ngeih? Jesse fapa chungah ro kan ngei lo. Maw Israel, nan thlam ah kal dih u! David, nangmahte nih na inn chungkhar cu i zohkhenh ko,” an ti. Cucaah Israel mi cu an thlam cio ah an tlung.

1 CHANRELNAK 12:16

Cun Benjamin mi tlawmpal le Judah mi tlawmpal cu David sinah ralhruang ah khan an ra.

ISAIAH 11:1

Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai.

ISAIAH 11:10

Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai.

1 SAMUEL 18:14

Cun Bawipa kha amah sinah a um caah David cu a thil tuahmi vialte ah a hlawhtling.

1 SAMUEL 20:27

Sihmanhsehlaw a ni hnihnak ni, thla thar thaizing ah khan, David umnak cu a lawng ṭhiamṭhiam. Cun Saul nih a fapa Jonathan sinah khan, “Zeicahdah Jesse fapa hi nizan he nihin he rawl ei ah a rat lo?” tiah a ti.

1 SAMUEL 20:30

Cu tikah Saul thinhunnak cu Jonathan cungah a alh ciammam i, “Nang, milolak le ralchanh hmangmi nu fapa, nangmah lila ningzahnak caah le na nu pum lawnnak ningzahnak caah, Jesse fapa kha naa thim cang, tiah ka hngal lo mei?

1 SAMUEL 22:13

Cun Saul nih amah cu, “Zeicahdah nannih nih nan ka rawiphiar, nangmah le Jesse fapa nih hin, nangmah nih changreu le nam kha na pek i Pathian sin hawi ah na hei halpiak, cucaah cun amah nih keimah cu doh awk le bawh awkah, nihin ah a si bang hin a tho,” tiah a ti.

1 SAMUEL 22:9

Cu tikah Edom mi Doeg, Saul sinum hna pawng i a dirmi nih khan a hun leh i, “Jesse fapa cu Nob ah, Ahitub fapa Ahimelek sinah a rat kha ka hmuh i,

1 SAMUEL 25:10

Cun Nabal nih David sinum hna cu a leh hna i, “David cu ahodah a si? Jesse fapa cu ahodah a si? Atu caan lioah hin an bawile sinin a zammi sal tampi an um.