1 SAMUEL 22:23 - Lai (Hakha) Common Language Bible 2006

²³ Ka sinah um ko, ṭih hlah; zeicahtiah ka nunnak a ka kawlmi cu nangmah nunnak an kawlmi a si ve ko; keimah sinah cun na him ko lai,” tiah a ti.

1 SAMUEL 22:23 ပူးပေါင်းရင်းမြစ်များ

2 SAMUEL 9:7

Cun David nih amah cu, “Na thinphang hlah; na pa Jonathan ruangah na cungah zaangfahnak kan hmuhsak lai i na pu Saul ram vialte kha kan khirh ṭhan lai; cun ka cabuai ah rawl na ei zungzal lai,” tiah a ti.

1 SIANGPAHRANG 1:7

Zeruiah fapa Joab le tlangbawi Abiathar kha a chimh a ruah hna i annih nih Adonijah kha an zulh i an bawmh.

1 SIANGPAHRANG 2:26

Cun tlangbawi Abiathar kha siangpahrang nih cun a thawh i, “Anathoth khua ah nangmah inn le lo ah va kal; zeitintiah thih awk na tlak. Sihmanhsehlaw Bawipa Pathian kuang kha ka pa David hmaiah na rak pu i ka pa nih harnak a inmi vialte kha na rak inpi caah, atu ah cun kan that lai lo,” tiah a ti.

MATTHAI 24:9

“Cun mi nih an in tlaih hna lai i dantat awkah an in chanh hna lai i an in thah hna lai. Keimah ruangah mi vialte nih an in huat hna lai.

JOHAN 15:20

‘Sal cu a bawipa nakin a ngan deuh bal lo,’ tiah kan chimhmi hna kha philh hlah u. Keimah kha an ka hrem ahcun nannih zong an in hrem ve ko hna lai; ka bia kha an ngaih ahcun nan bia zong kha an ngaih ve lai.

JOHAN 17:12

Annih sin i ka um lioah hin cun, na ka pekmi hna cu na min ṭhawnnak in ka huhphenh hna i him tein ka chiah hna. A tlau ding a rak si hrimmi dah kha ti lo cu pakhat hmanh an tlau lo — kha zong kha Cathiang a tlin nakhnga caah a si ko.

JOHAN 18:9

(Hitihin a chimmi cu, “Ka Pa, na ka pekmi hna cu pakhat hmanh ka thlau hna lo,” tiah a rak timi a tlin naklai caah khan a si).

1 SAMUEL 23:17

Cun amah kha, “Na thinphang hlah; zeitintiah ka pa Saul kut nih nangmah cu an hmu bal lai lo; nangmah cu Israel siangpahrang na si lai i keimah cu an changtu ka si lai; ka pa Saul zong nih mah hi a hngalh ko,” tiah a ti.