1 SAMUEL 22:2 - Lai (Hakha) Common Language Bible 2006

² Cun harnak a tongmi paoh le leiba a ngeimi paoh le a lung a tling lomi paoh nih khan amah cu an fuh; cun annih hna haotu ah a cang. Cun amah sinah cun mi za li tluk an um.

1 SAMUEL 22:2 ပူးပေါင်းရင်းမြစ်များ

2 SAMUEL 17:8

Cuhleiah Hushai nih cun, “Na pa le a mi hna cu miṭhawng an si le lolak i a fa lakpiakmi vom bantukin an thin a linh kha na hngalh. Cuhleiah na pa cu ral leiah a thiam ngaingaimi a si; mi hna sinah zan ah a riak lai lo.

2 SAMUEL 5:2

kan hnulei caan, Saul kan siangpahrang a si lioah khan, Israel mi a chuahpitu le a luhpitu cu nangmah na si; cun Bawipa nih nangmah cu, ‘Nangmah cu ka mi Israel mi hna tuukhal na si lai i Israel mi hna bawi na si lai,’ an timi kha na si,” tiah an ti.

2 SIANGPAHRANG 20:5

“I let law ka mi hna bawi Hezekiah sinah cun, hi bangin Bawipa, na pu David Pathian nih, ‘Na thlacamnak kha ka theih i na mitthli kha ka hmuh; zohhmanh, kan damter lai; a ni thumnak ni ah Bawipa inn ah na hung kal lai.

2 SIANGPAHRANG 4:1

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.

PHUNGTHLÛKBIA 31:6

A lung a dong cang i ngaihchia lungrethei in a ummi kha zu cu pe hna u,

MATTHAI 11:12

Johan nih a rat ri in nihin ni tiang Vancung Pennak hi tonghmang loin tuknak a ing i tonghmang loin khua a sami hna nih cun lak an timh.

MATTHAI 11:28

“Rethei le thilrit mi vialte hna, ka sinah ra tuah u, dinhnak kan pek hna lai.

HEBRU 2:10

Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si.

BIACEIHTU 11:3

Khi tikah Jepthah cu a unau hna sinin a zam i Tobram ah a um; cun santlailo pawl kha Jepthah sinah cun an i pumkhawm i amah he cun ral an hranh tawn.

BIACEIHTU 18:25

Cun Dan mi hna nih amah cu, “Kan sinah hin bia chim len ko hlah, thin tawimi hna nih an in ṭhuat sual lai i na nunnak le na innchungkhar hna nunnak kha na sung sual lai,” tiah an ti.

1 SAMUEL 1:10

Cun Hannah cu a lungre a thei ngaingai i Bawipa sinah thla a cam i lunghno ngai tein a ṭap.

1 SAMUEL 22:3

Cun David cu khika in Moab ram Mizpah khua ah a kal; cun Moab siangpahrang sinah cun, “Ka pa le ka nu cu, Pathian nih keimah caah zeidah a tuah lai, ti kha ka hngalh hlantiang, na sinah um hna seh, tiah kan nawl,” tiah a ti.

1 SAMUEL 23:13

Cun David le a mi za ruk tluk a simi hna cu an tho i Keilah khan an chuak i an kal khawhnak paoh ah an kal. David cu Keilah khua in a chuak cang ti kha Saul cu an chimh tikah va tuk awk kha aa ṭhul.

1 SAMUEL 25:13

Cun David nih a mi hna cu, “Nan vainam i thlaih dih uh,” tiah a ti hna. Cun an dihlak in an vainam cu an i thlaih; David zong nih a vainam cu aa thlaih ve; cun David cu za li tluk nih an hun zulh i za hnih nih an thil kha an rak hngah.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.

1 SAMUEL 9:16

“Thaizing atu tik hrawngah hin, na sinah Benjamin peng i mipa pakhat ka rak thlah lai i amah cu ka mi Israel mi hna cung i bawi si awkah chiti na rak thuh lai. Amah nih ka mi hna cu Filistin mi kut chungin a khamh hna lai; zeitintiah an aunak kha ka sinah a phak cang caah ka mi hna nih hremnak an inmi cu ka hmuh cang,” tiah a ti.