1 SAMUEL 22:19 - Lai (Hakha) Common Language Bible 2006

¹⁹ Cun tlangbawi khua Nob kha vainam in a tuk; pa he nu he ngakchia he hnuktlai lio he, cawtum he laa he tuu he, vainam in a sam hna.

1 SAMUEL 22:19 ပူးပေါင်းရင်းမြစ်များ

NEHEMIAH 11:32

Anathoth, Nob, Ananiah,

ISAIAH 10:32

Ral cu nihin hrimhrim ah hin Nob khua ah an um i Zion Tlang, Jerusalem khua cu an kuttum an thinhnawh len ko.

HOSEA 10:14

Raltuknak cu nan mi hna cungah a tlung lai i nan ralhau vialte cu an rawk dih lai. Shalman siangpahrang nih Beth-arbel a rak hrawh i Nu le ngakchia a rak thah dih hna ni bantuk kha a si lai.

MATTHAI 21:16

cucaah Jesuh cu, “An chimmi cu na thei maw?” tiah an ti. Jesuh nih cun, “Thei dah e! ‘Ngakchia tete hna le hnuktlai lio bawhte hna kha, na thangṭhatnak cu na chimter hna,’ tiah Cathiang chungah aa ṭialmi kha nan rel bal lo maw?” tiah a ti hna.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

JOSHUA 6:17

“Cun khua cu le a chung i a ummi thil vialte cu hrawh awkah Bawipa sinah pekchanh an si lai; kannih nih kan thlahmi lamkaltu hna kha a rak thuh hna caah Rahab le amah he a inn chungah a ummi vialte cu an nung lai.

JOSHUA 6:21

Cun khua chungah a ummi vialte cu, nu he pa he, tar he no he, cawtum, tuu le laa he tiah vainam in an sam dih cikcek hna.

1 SAMUEL 15:3

Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo nu thlulo, ngakchia thlulo, bawhte thlulo, tuu thlulo, kalauk thlulo, laa thlulo in va that hna,’ a ti,” tiah a ti.

1 SAMUEL 15:8

Cun Amalek mi siangpahrang Agag kha a nung in a tlaih i mi vialte kha vainam in a sam dih hna.

1 SAMUEL 15:9

Sihmanhsehlaw Saul le mi hna nih khan Agag le tuu lak i a ṭha bik hna le cawtum lak i a ṭha bik hna le cenhmi saṭil thauthau hna lakin a ṭha bik hna le, tuufa hna le a ṭhami vialte kha an zuah hna i an hrawk cikcek duh hna lo; a ṭhalo le santlailo vialte lawng kha an hrawh cikcek hna.

1 SAMUEL 21:1

Cun David cu Nob khua i tlangbawi Ahimelek sinah khan a ra; cun Ahimelek cu David ton awkah khan ther lengmang in a ra i amah sinah cun, “Zeicahdah nangmah lawng na si, ahohmanh na sinah an i tel lo?” tiah a ti.

1 SAMUEL 22:11

Khi tikah siangpahrang nih Ahitub fapa tlangbawi Ahimelek le a pa innchungkhar vialte, Nob ah a ummi tlangbawi hna cu auh awkah mi a thlah hna; cun an dihlak in siangpahrang sinah khan an ra.

1 SAMUEL 22:9

Cu tikah Edom mi Doeg, Saul sinum hna pawng i a dirmi nih khan a hun leh i, “Jesse fapa cu Nob ah, Ahitub fapa Ahimelek sinah a rat kha ka hmuh i,