1 SAMUEL 22:18 - Lai (Hakha) Common Language Bible 2006

¹⁸ Cu tikah siangpahrang nih Doeg kha, “Nangmah kha i mer law, tlangbawi kha that hna,” tiah a ti. Cun Edom mi Doeg cu aa mer i tlangbawi kha a thah hna; cun khi ni ah la hmang ṭhia tlangbawi angki aa hrukmi mi sawm riat le panga a thah hna.

1 SAMUEL 22:18 ပူးပေါင်းရင်းမြစ်များ

2 CHANRELNAK 24:21

Sihmanhsehlaw an rawi i siangpahrang nawl in amah cu Bawipa inn tual ah khan lung in an cheh.

SALM 78:64

Tlangbawi cu vainam in an thi i an nupile nih khan a ngaih hmanh an ngai kho hna lo.

EXODUS 28:40

“Aaron fapa hna cu rumra ngei hna seh, cun i dawh fawn hna seh tiah angki le luchin le taisawm na serpiak hna lai.

PHUNGTHLÛKBIA 24:15

Miṭha mi cu a inn ah miṭhalo nih an bawh bangin va bawh hlah, a lo zong kha va chut hlah;

HOSEA 5:11

Israel cu harnak chungah a um cang. A bawm kho ṭung lomi kha bawmh hal awkah a fuh lengmang hna caah, Amah ta a si hrimhrim komi ram kha a sung cang.

HOSEA 7:3

Siangpahrang cu an ṭhat lonak khan a lung an awih i bawi hna cu an mi hlenthiamnak khan an lung an lawmhter hna,

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

ZEFANIAH 3:3

A chung i bawi hna cu chiandeih a huk lengmangmi an si, A biaceihtu bawi hna cu zinglei tiang a ngang kho lomi cenghngia an si,

1 SAMUEL 2:18

Asinain Samuel cu ngakchia si hmanh seh law Bawipa hmaiah la hmang ṭhia tlangbawi angki i aih in rian a ṭuan.

1 SAMUEL 2:28

Cun amah cu ka biakṭheng i hung kal awk le zihmui khangh awk le keimah hmai i tlangbawi angki i hruk awkah, Israel mi phun vialte chungin ka tlangbawi si awkah ka thim; cun na pa chungle hna sinah cun Israel mi sinin ka hmuhmi mei in khanghmi pekchanhnak vialte kha ka pek.

1 SAMUEL 2:36

Cun na inn i a tangmi paohpaoh nih ngun phar khat caah siseh, changreu tlang khat caah siseh, amah kha nawl awkah an ra lai i, ‘Changreu tlawmte tal ka ei nakhnga, tlangbawi rian zei tal ah dik ka chia ko sawh,’ tiah an ti lai, a ti,” tiah a ti.