1 SAMUEL 22:17 - Lai (Hakha) Common Language Bible 2006

¹⁷ Cun siangpahrang nih a pawng i a dirmi ralvengtu sinah khan, “I mer law, Bawipa tlangbawi kha that hna; annih zong David sin i an i ṭom caah a zam kha an hngal nain ka sinah an phuang lo,” tiah a ti. Sihmanhsehlaw siangpahrang sinum hna nih khan Bawipa tlangbawi hna thah awkah khan an kut an chuah duh lo.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

Hi hnuah hin Absalom nih rangleng pakhat le rang hna le a hmai i a tlitu dingmi sawm nga aa chiah hna.

1 SIANGPAHRANG 1:5

Cun Haggith fapa Adonijah kha amah le amah aa hlorh i, “Siangpahrang ka si lai,” tiah a ti i amah caah khan rangleng hna le rangcung ralkap hna le a hmai i a tli dingah minung sawm nga kha a timh hna.

1 SIANGPAHRANG 14:27

Siangpahrang Rehoboam nih anmah can ah cun dar phaw a ser hna i siangpahrang inn innka a cawngtu ralkap bawi hna kut chungah khan a chiah hna.

1 SIANGPAHRANG 18:4

Jezebel nih Bawipa profet hna a thah hna ah khan, Obadiah nih profet za khat a lak hna i sawm nga sawm nga in lungkua ah a thuh hna i ti le rawl in a cawm hna).

2 SIANGPAHRANG 10:25

Cucaah khangh thawinak pekchanh kha a lim cangka in, Jehu nih ralvengtu hna le an bawi hna cu, “Lut u law, that hna u; pakhat hmanh luatter hna hlah u,” tiah a ti. Cucaah vainam in an sam hna i ralvengtu hna le an bawi hna nih khan lengah an hlonh hna i Baal inn chungchin dal ah khan an lut i

EXODUS 1:17

Sihmanhsehlaw nau hrintertu sayamah hna nih cun Pathian kha an ṭih caah siangpahrang nawl kha an zul lo i pa zong kha an nunh hna.

LAMKALTU 4:19

Sihmanhsehlaw Peter le Johan nih khan an leh hna i, “Pathian mithmuh ah nanmah bia ngaih cu maw a ṭha deuh Pathian bia ngaih dah a ṭha deuh, ti cu nanmah nih ruat ko u.

1 SAMUEL 14:45

Khi tikah mizapi nih Saul sinah cun, “Israel chungah hi teinak nganpi a tuahtu Jonathan cu maw a thi hnga? Naisai hlah! Bawipa a nun bangin, a lu cung a samfa fa khat hmanh vawlei ah a tla lai lo; zeicahtiah nihin ah Bawipa he pei an tuah ṭi leh hi,” tiah an ti. Cuticun mizapi nih Jonathan cu an tlanh; cucaah a thi lo.

1 SAMUEL 2:31

Zohhmanh, na ban le na pa innchungkhar ban ka tan lai ni cu a ra lio, cucaah na chungle lakah tar tlung in a nungmi an um lai lo.

1 SAMUEL 20:33

Khi tikah Saul nih cun Jonathan cu a fei in a hei khawh i thah a zalh, cucun Jonathan nih khan a pa i David thah a timh taktak cu fiang tein a hngalh.

1 SAMUEL 22:13

Cun Saul nih amah cu, “Zeicahdah nannih nih nan ka rawiphiar, nangmah le Jesse fapa nih hin, nangmah nih changreu le nam kha na pek i Pathian sin hawi ah na hei halpiak, cucaah cun amah nih keimah cu doh awk le bawh awkah, nihin ah a si bang hin a tho,” tiah a ti.

1 SAMUEL 22:16

Cun siangpahrang nih, “Na thi hrimhrim lai, Ahimelek, nangmah le na pa innchungkhar vialte,” tiah a ti.

1 SAMUEL 25:17

Cucaah mah hihi hngal law zeidah ka tuah lai ti kha i ruat tuah; zeitintiah kan bawipa le a innchungkhar vialte cung i ṭhat lonak tuah kha timh a si cang, amah hi ahohmanh nih chawnh khawh loin michiakha a si fawn ṭung,” tiah a ti.

1 SAMUEL 8:11

Amah nih, “Nannih an uktu hna siangpahrang kalning cu hi bangin a si lai: nan fapa kha a lak hna lai i a rangleng cittu le a rang cittu le a rangleng hmai tlitu dingah a chiah hna lai.