1 SAMUEL 21:11 - Lai (Hakha) Common Language Bible 2006

¹¹ Cun Akhish sinum hna nih cun a sinah, “Mah hihi an ram siangpahrang David kha a si lo maw? An lam pah in, “Saul nih a thongthong in a thah hna, David nih a sangsang in,” tiin pakhat le pakhat hla an i leh lo maw kha?” tiah an ti.

1 SAMUEL 21:11 ပူးပေါင်းရင်းမြစ်များ

SALM 34:1

Bawipa cu a zungzal in ka lawmh lai, amah thangṭhat cu a ngol in ka ngol lai lo.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 19:18

Cun David cu a zam i a luat i Ramah ah Samuel sinah a ra i Saul nih a cung i a tuahmi vialte kha a chimh dih. Cun amah le Samuel cu an kal i Naioth ah an um.

1 SAMUEL 27:1

Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.

1 SAMUEL 27:2

Cucaah David cu a tho i amah le a sinah a ummi mi za ruk hna cu Maok fapa Akhish, Gath siangpahrang sinah khan an kal.

1 SAMUEL 29:5

Mah hi David hi an lam pah i, “Saul nih a thongthong in a thah hna, David nih a sangsang in,” tiin hla an i saktonhmi kha a si lo maw?” tiah an ti.