1 SAMUEL 20:5 - Lai (Hakha) Common Language Bible 2006

⁵ David nih Jonathan cu, “Zohhmanh, thaizing cu thla thar a si i siangpahrang sin i cabuai i ṭhut kha ka tlolh awk a si lo; sihmanhsehlaw a ni thumnak zanlei tiangin lo lakah kaa thuhnak hnga ka kalter tuah.

1 SAMUEL 20:5 ပူးပေါင်းရင်းမြစ်များ

2 SIANGPAHRANG 4:23

Cun anih nih, “Zeicahdah amah sinah cun nihin ah na kal lai? Thla thar zong a si lo i sabbath zong a si ṭung lo,” tiah a ti. Anih nih, “A ṭha ko lai,” tiah a ti.

SALM 55:12

A ka nihsawhtu hi ka ral si seh law cu, ka in khawh ko hnga, ka cung i tluang a khawng lentu hi a ka dohtu kha si seh law cu, a ka hmuh khawh lonak hmun ah ka thuhtak diam ko hnga;

SALM 81:3

Thla thar caan le thla lai caan ah, kan puai ah tuu ki cu tum hna u.

PHUNGTHLÛKBIA 22:3

Mifim nih cun harnak a rat kha a hmuh tikah hrial khawhnak aa zuam, sihmanhsehlaw mihrut nih cun a pahchih thluahmah ko i a hnuah aa ngaichih.

AMOS 8:5

nannih nih nan i thawh i, ‘Zeitik ah dah thla thar puai cu a dih lai i kan rawl cu kan zuar lai? Zeitik ah dah sabbath cu a dih lai i kan changvut kha zuar awkah kan chuah lai,’ nan ti. Cun ephah kha hmetter deuh u sih law shekel kha nganter deuh u sih; cun cuailung kha zanter deuh u sih;

NAMBAR 10:10

Nan i lawmh ni le a caan khiahmi nan puai hna le nan thla hramthawknak hna zongah nan khangh thawinak hna le nan daihnak pekchanhnak thawinak cungah muko cu nan tum hna lai; nan Pathian hmai i nannih cu theihhngalh an sitertu hna an si lai: keimah cu Bawipa nan Pathian ka si,” tiah a ti.

NAMBAR 28:11

“Cun nan thla a det tik paoh ah Bawipa sinah khangh thawinak nan pekchanh lai: cawtum no pahnih, tuukawng pakhat, kum khat a timi tuufa dotla a pa pasarih:

JOHAN 8:59

Amah chehnak ah lung kha an i char, sihmanhsehlaw Jesuh cu aa thup i biakinn chung khan aa zuk.

LAMKALTU 17:14

Khulrang in unau pawl nih khan Paul cu rilikam leiah an kalter; sihmanhsehlaw Silas le Timote kha cu Berea khua ah khan an rung cam.

KOLOSE 2:16

Cucaah cun ahohmanh nih nan ei nan dinmi thil kong ah siseh, ni thiang le Thla Thar Puai le Sabbath kong ah siseh, phung in serpiak hna hlah seh.

1 SAMUEL 19:2

Cun Jonathan nih David cu, “Ka pa Saul nih thah an timh; cucaah zinglei ah cun i ralring tuah, hmun ken fiak ah um law i thup;

1 SAMUEL 20:18

Cun Jonathan nih amah sinah cun, “Thaizing hi thla thar kha a si i kan in hlam ko lai, zeicahtiah na ṭhutnak kha a lawng lai.

1 SAMUEL 20:19

Cun kiptuh ah cun kan in hlam ngaingai ko lai; khi tikah, kha kong kha a hung chuah tikah, naa thuhnak ah khan na va kal lai i khi lungpumh pinah khin na um lai.

1 SAMUEL 20:24

Cucaah David cu lo lakah khan aa thup; thla thar kha a hung si tikah, siangpahrang cu rawl ei awkah a ṭhu.

1 SAMUEL 20:27

Sihmanhsehlaw a ni hnihnak ni, thla thar thaizing ah khan, David umnak cu a lawng ṭhiamṭhiam. Cun Saul nih a fapa Jonathan sinah khan, “Zeicahdah Jesse fapa hi nizan he nihin he rawl ei ah a rat lo?” tiah a ti.

1 SAMUEL 20:4

Khi tikah Jonathan nih David sinah cun, “Na chimmi paoh kan tuahpiak lai,” tiah a ti.

1 SAMUEL 20:6

Cun na pa nih a ka hlam pingpang sual ahcun, nangmah nih, ‘David nih an chungkhar dihlak ca i kum fate an ngeih tawnmi raithawinak kha Bethlehem khua ah a um caah, cu amah khua Bethlehem i va kal ta duak awk kha, hramhram in a ka nawl,’ tiah na ti lai.