1 SAMUEL 2:7 - Lai (Hakha) Common Language Bible 2006

⁷ Bawipa nih a pamter tawn hna i a rumter tawn hna; A ṭhumh tawn hna i a hlorh zong a hlorh tawn hna.

1 SAMUEL 2:7 ပူးပေါင်းရင်းမြစ်များ

2 SIANGPAHRANG 9:6

Cucaah a tho i inn chungah a lut; cun tlangval nih cun chiti kha a lu ah a toih i, “Hi bangin Bawipa, Israel Pathian nih, ‘Nangmah cu Bawipa mi, Israel mi hna cung i siangpahrang ah chiti kan thuh.

1 CHANRELNAK 29:12

Rumnak siseh upatnak siseh nangmah sinin a rami an si i nangmah nih zeizong vialte kha na uk dih. Na kut chungah hin ṭhawnnak le thazang an um i na kut chungah hin mi vialte nganter khawhnak le thazang pek khawhnak a um.

2 CHANRELNAK 32:27

Hezekiah cu rumnak le upatnak tampi a ngei; cun ngun le sui le lung mansung le zihmui le phaw le a man a sungmi umkheng phun zakip caah chiahnak aa ser hna;

2 CHANRELNAK 32:29

Cu bantuk ṭhiamṭhiam in khua kha aa serh hna i tuurun le cawrun cu tampi a ngeih hna zeicahtiah Pathian nih ngeihmi tampi a pek.

JOB 1:21

Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

JOB 40:12

Aa porhlawmi paoh cu zoh hna law tangah ṭhum ko hna; Cun miṭhalo hna cu an dirnak ah khan lam hna.

JOB 5:11

Minauta cu cungsang ah a chiah hna i Ngaihchiami cu himnak ah a cawi hna.

SALM 102:10

zeicahtiah ka cungah na thin a hun caah a si. Na ka cawi i na ka hlonh.

SALM 75:7

bia a ceihtu cu Pathian a si i a cheu kha a ṭhumh hna i a cheu kha a cawi hna,

SALM 75:8

Bawipa nih a kut in hrai pakhat aa put, cu hrai cu zu hrim, a ṭhawng ngaingaimi in a khat, a thlet i miṭhalo vialte kha a dinter hna, a ne zongin an khawn dih.

PHUNGTHLÛKBIA 22:2

Mirum le misifak hna cu an i dang lo zeicahtiah Bawipa sermi cio an si.

ISAIAH 2:12

Khi ni ah cun Ralkapbu Bawipa nih a ṭhawngmi le aa porhlawmi le a ruam a kaimi vialte kha a ṭhumh dih hna lai.

JEREMIAH 49:15

“Zohhmanh, nangmah cu miphun hna lakah a hme bik le mi vialte i nihsawhmi ah kan ser.

EZEKIEL 17:24

Ram chung thing vialte nih khan, Keimah cu Bawipa ka si kha an hngalh lai. Keimah nih thingkung a sangmi kha ka hau hna i thingkung a niammi kha ka santer hna i a romi kha ka hrinter hna. Hihi Bawipa nih ka chim i ka tuah lai, tiah a ti.

JEIM 4:10

Bawipa hmaiah toidor tein um u law amah nih an hlorh hna lai.