1 SAMUEL 2:29 - Lai (Hakha) Common Language Bible 2006

²⁹ A si kun ahcun zeicahdah ka umnak ah pekchanh awk tiin nawl ka pekmi ka raithawinak hna le pekchanhnak hna cu hakkauh mit in nan zoh i keimah nakin na fapale hna cu na upat deuh hna i ka mi Israel mi nih an pekchanhmi thil lak i a ṭha bik hna cun nan i cenh?

1 SAMUEL 2:29 ပူးပေါင်းရင်းမြစ်များ

2 SIANGPAHRANG 12:6

Sihmanhsehlaw Joash siangpahrang a bawi kum kul le kum thumnak tiangah tlangbawi nih inn kha khuazeihmanh an remh rih lo.

SALM 26:8

Bawipa, na umnak inn kha ka tlaihchan i na sunparnak a umnak hmun kha ka duh.

EZEKIEL 13:19

Nannih nih ka mi hna hmaiah barli pei khat ruang le changreu pelpawi ruangah nan ka thurhhnawmh cang, nannih nih lihbia ngaih a duh ngaimi ka mi hna sinah lih nan chimnak thawngin, a thi hnga lo ding kha nan thihter hna i a nung hnga lo ding kha nan nunter hna.

EZEKIEL 34:10

Hihi Bawipa bia cu an si: Tuukhal cu ka ralchanh hna i annih cu ka tuu kha ka pe hna u, tiah ka hal hna lai. Kha tuukhal hna kha ka hlawt hna lai: anmah zawn lawng i ruat in an um kho ti lai lo; ka tuu cu an kaa chung khan ka chuah hna lai i annih kha i cawmnak ah an hmang ti hna lai lo,” tiah a ti.

EZEKIEL 34:2

A ka thawh i, “Mipa, Israel mi tuukhal hna cu chim hna. Thawh hna law, Nannih tuukhal hna, hihi Bawipa bia an si, ti hna: Anmah zawn lawng aa ruatmi Israel mi tuukhal hna hi ka hei hua hna dah! Tuukhal nih hin tuu kha an zawn ruah awk a si hnga lo maw?

HOSEA 4:8

Ka mi hna an sualnak kha rumnak ah nan hman i sual chin lengmang hna seh ti nan duh.

LEVITIKAS 19:15

“Biaceihnak ah dinlonak nan tuah lai lo; sifakmi kha na duhdanh hna lai lo, mingan zong kha na hmaizah hlei lai lo, sihmanhsehlaw dinnak in na innpa bia kha na ceih lai.

MIKAH 3:5

Mizapi cu, a man a phalh khotu hna sinah, nan cungah daihnak a tlung lai, tiin bia a kamhtu hna le, a phalh kho lomi hna sinah, nan cungah ral a tlung lai, tiin a ṭhihtu hna profet hna nih an hlen cang hna. Hi profet hna kongah Bawipa nih a chimmi bia cu hihi a si:

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.

MATTHAI 22:16

anmah zultu tlawmpal hna le Herod paṭi mi tlawmpal hna kha a sinah cun an hei thlah hna. An vaa thawh i, “Saya, nang cu lih chim hmang lomi na si ti kha kan hngalh. Pathian nih, cuticun um hna seh, a tining kha biatak tein na cawnpiak tawn hna i ahohmanh an mithmai kha na zoh hlei hna lo.

LUKA 14:26

“Ahohmanh ka sinah a rami cu a pa siseh, a nu siseh, a nupi siseh, a fale si hna seh, a unau si hna seh, a farle si hna seh, amah le amah siseh, aa huat lo ahcun a ka zultu a si kho lo.

ROM 16:18

Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

DEUTERONOMI 33:9

A nu le a pa hna le An unau hna le A fale hna nakin Nangmah kha an in ṭanh deuh, Zeitintiah na nawlbia kha an ngaih i na biakamnak kha an zulh.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.

1 SAMUEL 3:13

A fapa hna nih Pathian an vawlhpamhnak sualnak kha a hngal ko nain a thlauh hna lo caah, a innchungkhar cu zungzal ca in dantatnak ka pek dengmang cang, tiah amah kha ka chimh.