1 SAMUEL 2:23 - Lai (Hakha) Common Language Bible 2006

²³ Cun amah nih annih cu, “Zeicahdah mah bantuk thil hna cu nan tuah? Zeitintiah mi vialte sin hin nan tuahnak ṭhalo hna cu ka theih.

1 SAMUEL 2:23 ပူးပေါင်းရင်းမြစ်များ

1 SIANGPAHRANG 1:6

A pa nih zeitikhmanh ah, “Zeicahdah cu bantuk, kha bantukin na tuah?” tiin amah kha a ing a puanter bal lo. Amah cu Absalom a hun changtu kha a si i a dawh zong aa dawh ngaingai.

ISAIAH 3:9

Ṭhat lonak lungthin an paw chung i an i chiahmi hrimhrim kha anmah sual phawtu tehte a si te lai. Sodom mi nih langhngan rumro in an rak sual bantukin annih zong nih an tuah ve. Annih cu an lo ko cang, cucu anmah nih anmah cung lila i an i tluntermi a si.

JEREMIAH 3:3

Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

LAMKALTU 14:15

“Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si.

LAMKALTU 9:4

Vawlei ah a tlu i aw pakhat nih, “Saul, Saul, zeicahdah na ka hrem?” tiah a ti thawng kha a theih.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

1 SAMUEL 2:22

Eli cu a tar ngaingai cang i Israel mi vialte hna cungah a fapa hna nih an tuahmi vialte le zeitindah tonnak thlam luhnak i rian a ṭuantu nu hna an ihpi hna kha a theih.

1 SAMUEL 2:24

Asilo, ka fale hna, Bawipa mi hna nih a kenkip i an chim lulhmalhmi thawng cu thawng ṭha a si hrimhrim lo.