1 SAMUEL 2:22 - Lai (Hakha) Common Language Bible 2006

²² Eli cu a tar ngaingai cang i Israel mi vialte hna cungah a fapa hna nih an tuahmi vialte le zeitindah tonnak thlam luhnak i rian a ṭuantu nu hna an ihpi hna kha a theih.

1 SAMUEL 2:22 ပူးပေါင်းရင်းမြစ်များ

GENESIS 35:22

Israel kha cu ram i a um lioah cun Reuben nih khan a pa nupi pakhat Bilhah cu a ihpi. Cu kong cu Israel nih khan a theih i a thin a hung ngaingai. Jakob fapa cu hleihnih an si:

GENESIS 37:2

Jakob tefa hna tuanbia cu hihi a si. Kum hleisarih a simi tlangval Josef cu a unau pawl, a pa nupi Bilhah le Zilpah fapa hna he khan tuu le meheh an cawng tawn i a unau pawl nih thil ṭhalo an tuahmi kha a pa cu a chimh tawn.

EXODUS 38:8

Kut ṭawlnak dar kheng le a hunnak dar tawdanh cu nu pawl bihnak thlalang in a ser hna, cu nu pawl cu pumhnak thlam luhnak i rian a ṭuanmi kha an si.

EZEKIEL 22:26

A tlangbawi hna nih ka phunglam kha an hrawh i ka ca i a thiangmi thil kha an thurhhnawmh hna. A thiang le a thianglo kha an thleidang hna lo i a thiang le a thianglo an i dannak kha an cawnpiak hna lo. Ka sabbath hna kha zei ah an rel hna lo i kei cu an lakah hmaizahnak hmu loin ka um.

1 SAMUEL 2:23

Cun amah nih annih cu, “Zeicahdah mah bantuk thil hna cu nan tuah? Zeitintiah mi vialte sin hin nan tuahnak ṭhalo hna cu ka theih.

1 SAMUEL 3:13

A fapa hna nih Pathian an vawlhpamhnak sualnak kha a hngal ko nain a thlauh hna lo caah, a innchungkhar cu zungzal ca in dantatnak ka pek dengmang cang, tiah amah kha ka chimh.

1 SAMUEL 8:1

Samuel cu a tar tikah a fapale hna kha Israel mi cung i biaceihtu ah a ser hna.