1 SAMUEL 2:17 - Lai (Hakha) Common Language Bible 2006

¹⁷ Cu bangin tlangval hna sualnak cu Bawipa mit hmuh ah khan a ngan ngaingai ko, zeicahtiah annih nih Bawipa sin pekchanhnak kha zawmhtaih serhsat in an tuah.

1 SAMUEL 2:17 ပူးပေါင်းရင်းမြစ်များ

GENESIS 10:9

Amah cu vawlei cungah sakap bik zong a si i cucaah mi nih phungthluk bia ah, “Nimrod bantuk sa kah thiam,” ti a si tawn.

GENESIS 13:13

Sodom khuami cu miṭhalo, Bawipa cung i ṭhat lonak a tuahmi misual an si.

GENESIS 6:11

Sihmanhsehlaw midang vialte cu Pathian mithmuh ah miṭhalo an si dih i an ṭhat lonak cu khuazakip ah a karh.

2 SIANGPAHRANG 21:6

Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. Bawipa mithmuh ah ṭhat lonak tampi a tuah i a thin a hunter.

SALM 51:4

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.

ISAIAH 3:8

Asi, Jerusalem cu a lo ko cang! Judah cu a tlu cuahmah ko cang! An chimmi le an tuahmi paoh cu Bawipa duh lomi lawngte an si dih; langhngan in Pathian hrimhrim kha an nihsawh.

MALAKHI 2:13

Mah hihi thil dang pakhat nan tuah rihmi cu a si: nan ṭap nan ai i Bawipa biakṭheng cu nan mitthli in nan ciah, sihmanhsehlaw nan pekchanhmi thil cu zoh a duh ṭhiamṭhiam hna lo i nan sinin nan laksawng cu an cohlang ṭhiamṭhiam hna lo.

MATTHAI 18:7

Vawlei cungah hin cu bantuk tlukrilhnak a um caah a va poi hringhran dah! Cu bantuk cu a um ṭheoṭheo ko lai, sihmanhsehlaw cu bantuk a umtertu caah cun ṭihnung a si hringhran ko.

1 SAMUEL 2:16

Cun mipa nih khan a sinah cun, “A thau kha khaang hmasa rih hna seh, cun na duh zat in naa lak lai,” a ti ahcun, anih nih, “Asilo, atu hrimhrim ah na ka pek lai, cu ti a si lo ahcun, hramhram in keimah nih ka lak lai,” a ti tawn.

1 SAMUEL 3:13

A fapa hna nih Pathian an vawlhpamhnak sualnak kha a hngal ko nain a thlauh hna lo caah, a innchungkhar cu zungzal ca in dantatnak ka pek dengmang cang, tiah amah kha ka chimh.