1 SAMUEL 2:14 - Lai (Hakha) Common Language Bible 2006

¹⁴ ukang chungah khan siseh, marlei chungah khan siseh, tawngca chungah khan siseh, um chungah khan siseh, a vun chunh lai i fungṭe nih a thur khawh zat paoh kha tlangbawi nih amah caah aa lak lai. Cu bantukin Shiloh ah khan, cuka i Israel mi a rami vialte hna kha an rak tuahpiak tawn hna.

1 SAMUEL 2:14 ပူးပေါင်းရင်းမြစ်များ

ISAIAH 56:11

A paw a kau tukmi, a za cang ti a hngal lomi uico bantuk an si. Hngalhnak ngei lo hruaitu an si. Anmahle an duhning cio paoh khan an um i anmah miaknak lam cio lawng kha an kawl.

LEVITIKAS 7:34

Zeitintiah Israel mi hna nih an pekchanhmi daihnak thawinak chungin tlangbawi Aaron le a fapa hna cu hninhmi ii le thawimi phei cu ka pek cang hna; mah cucu Israel mi sinin a zungzal in an hmuh awk a si.

MIKAH 3:3

Ka mi kha an sa nan ei hna, an cuar nan hawh hna; An ruh nan den hna i um chung i chuan awk sa bangin nan can hna,” ka ti.

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

1 SAMUEL 2:13

Mi zapi hna sinah tlangbawi nih an tuah tawnmi phung cu hi bangin a si, mi pakhatkhat nih raithawinak a pekchanh tikah tlangbawi sinum kha a ra lai i sa cu a tlawh hluahmah lioah a kut i a rak i putmi keuṭe ṭe thum ngei khan

1 SAMUEL 2:15

Cuhleiah, a thau kha an khangh hlanah, tlangbawi sinum kha a ra tawn i rai a thawi liomi sinah cun, “Tlangbawi ca i em awkah na sa cu ka pe; zeitintiah a hring dah ti lo cu, chuan ciami sa cu an cohlang lai lo,” tiah a ti tawn.

1 SAMUEL 2:29

A si kun ahcun zeicahdah ka umnak ah pekchanh awk tiin nawl ka pekmi ka raithawinak hna le pekchanhnak hna cu hakkauh mit in nan zoh i keimah nakin na fapale hna cu na upat deuh hna i ka mi Israel mi nih an pekchanhmi thil lak i a ṭha bik hna cun nan i cenh?