1 SAMUEL 19:4 - Lai (Hakha) Common Language Bible 2006

⁴ Cun Jonathan nih a pa Saul sinah cun David cu a chimthiam i, “Siangpahrang nih a sal David cungah hin sualnak tuah hlah seh, zeicahtiah na cungah a sual lo i a tuahmi cu nangmah caah a ṭhami rian lengmang a si;

1 SAMUEL 19:4 ပူးပေါင်းရင်းမြစ်များ

GENESIS 42:22

Reuben nih khan, “Ngakchiapa kha harnak pe hlah u kan ti hna i nan rak ngai duh lo cu ta. Atu cu amah thih ruangah khan hi ton kan tong,” a ti hna.

GENESIS 9:6

Minung cu Pathian mui keng in sermi a si caah, minung a thatmi cu, a minung hawi nih an thah ve lai.

2 CHANRELNAK 6:22

“Mi pakhatkhat nih a innpa cungah a sual i chiat serter a si i a chiatsernak cu hi inn chung na biakṭheng hmaiah hin chimter a si ahcun,

SALM 35:12

Ṭhatnak cu chiatnak in an ka lehrulh i ka hnabei a dong cikcek.

SALM 59:4

Ṭhat lonak le sualnak ka tuah ruangah si loin ka sual ca le ka palh ca zongah si loin, Maw Bawipa, an ka bawhnak hmun ah khan khulrang in an va tli.

PHUNGTHLÛKBIA 17:13

Mi nih ṭhatnak cu ṭhat lonak in a lehrulh ahcun, ṭhat lonak cu a inn chungin aa ṭhial bal lai lo.

JEREMIAH 18:20

Ṭhatnak hi ṭhat lonak in maw lehrulh a si lai? Na thinhunnak kha an sinin aa ṭhial khawh nakhnga anmah aiawh in nangmah cu kan nawl i na hmai i ka dir kha philh sawh hlah.

1 KORIN 8:12

Cuticun nan unau hna cung i sualnak nan tuahnak thawng le a derthawmmi an chiaṭha thleidannak nan hliam hna ruangah cun Khrih cungah sualnak nan tuah a si.

1JOHAN 3:15

A unau a huami paoh cu lainawng a si i lainawngmi nih cun an chungah zungzal nunnak an ngei lo ti kha nan hngalh.

1 SAMUEL 2:25

Mi nih mi cungah a sual ahcun Pathian nih remnak a serpiak lai, sihmanhsehlaw mi nih Pathian cungah a sual ahcun, aho nih dah a nawlpiak ti lai?” tiah a ti. Sihmanhsehlaw a pa bia cu an ngai duh lo; zeitintiah annih thah awk kha Bawipa duhnak a si.

1 SAMUEL 20:32

“Zeicaahdah a thih lai, zeidah a tuah i?” tiah Jonathan nih a leh.

1 SAMUEL 22:14

Cun Ahimelek nih siangpahrang cu a leh i, “A si ah, na sinum vialte lakah, siangpahrang tupa a simi, nangmah pum rungvengtu hna haotu, na inn chungah upat a simi David tluk in, ahodah zumh awk tlak a um?