1 SAMUEL 19:23 - Lai (Hakha) Common Language Bible 2006

²³ Cun khika in Ramah khua chung i Naioth ah cun a va kal i Pathian thlarau kha amah cungah cun a tlung ve i a kalpah cun, Ramah khua chung i Naioth a phak hlantiang a holh cukmak lengmang ko.

1 SAMUEL 19:23 ပူးပေါင်းရင်းမြစ်များ

PHUNGTHLÛKBIA 16:9

Minung nih hin a khualtlawnnak ding khua kha a khan, sihmanhsehlaw a kephau a hruaitu cu Bawipa a si.

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

NAMBAR 24:2

Cun Balaam nih khua a hei zoh i Israel mi cu an hrin an hrinning cio in riahhmun an khuar kha a hmuh hna. Pathian thlarau nih a cungah a rung i,

MATTHAI 7:22

Cu Ni cu a phak tikah, mi tampi nih keimah cu, ‘Bawipa, Bawipa! Na min in Pathian bia kha kan chim i na min in khuachia kha tampi kan ṭhawl hna i khuaruahharnak tampi kan tuah hna,’ an ti lai.

JOHAN 11:51

A ngaingai ti ahcun, hi bia hi amah lungchuak in a chimmi a si lo; cu kum cu amah kha Tlangbawi Ngan a si bantukin, Jesuh cu Judah mi hna caah a thi lai ti kha a rak chimchung bia a si;

1 KORIN 13:2

Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.

1 SAMUEL 10:10

Gibeah kha an phak tikah, zohhmanh, profet bu khat nih an rak ton; cu Pathian thlarau cu ṭhawng ngaiin a cungah a tlung i an lakah a holh cukmak len ve ko.

1 SAMUEL 10:12

Cun cuka mi pakhat nih, “Cun ahodah an pa cu a si?” tiah a leh hna. Cucaah, “Saul zong profet hna lakah aa tel ve cang dahra?” ti cu capo siamsaknak bia ah a cang.

1 SAMUEL 10:6

Cun Bawipa thlarau cu na cungah ṭhawng ngaiin a tlung lai i nang zong an lakah na holh cukmak ve lai i midang ah naa cang lai.

1 SAMUEL 18:10

Cun a thaizing ah thlarau ṭhalo Pathian sinin a rami kha Saul cungah a tlung i David nih ni khat hnu ni khat a tum tawn bang khan tingtang kha a tum lioah, a inn chungah molh bia kha a chim lengmang ko. Saul nih a fei kha a kut in aa put i

1 SAMUEL 19:18

Cun David cu a zam i a luat i Ramah ah Samuel sinah a ra i Saul nih a cung i a tuahmi vialte kha a chimh dih. Cun amah le Samuel cu an kal i Naioth ah an um.

1 SAMUEL 19:20

Khi tikah Saul nih David kha lak awkah mi a hei thlah hna; annih nih profet bu cu an holh cukmak len ko le Samuel kha an cungah haotu in a um kha an va hmuh tikah, Saul nih a thlahmi hna cungah khan Pathian thlarau cu a tlung i annih zong an holh cukmak ve.

1 SAMUEL 19:22

Khi tikah amah hrimhrim Ramah ah cun a kal i Seku i a ummi tikhor nganpi kha a phan; cun, “Samuel le David kha khuazei ah dah an um?” tiah a hal hna. Cun pakhat nih, “Zohhmanh, Ramah khua chung i Naioth ah an um,” tiah a ti.