1 SAMUEL 19:18 - Lai (Hakha) Common Language Bible 2006

¹⁸ Cun David cu a zam i a luat i Ramah ah Samuel sinah a ra i Saul nih a cung i a tuahmi vialte kha a chimh dih. Cun amah le Samuel cu an kal i Naioth ah an um.

1 SAMUEL 19:18 ပူးပေါင်းရင်းမြစ်များ

SALM 116:11

Ka thin a phan tuk cang i, “Ahohmanh bochan awk tlak an um lo,” ka ti lio zongah, ka zumh peng ṭhiamṭhiam ko.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

1 SAMUEL 1:19

Zingka tein an tho i Bawipa cu an biak i Ramah khua i an inn ah khan an tlung. Cun Elkanah nih a nupi Hannah kha a hngalh i Bawipa nih amah kha a philh lo;

1 SAMUEL 15:34

Cun Samuel cu Ramah ah a tlung; Saul cu a inn ah Saul khua Gibeah ah khan a hung kal.

1 SAMUEL 19:19

Cun Saul cu, “Zohhmanh, David cu Ramah i Naioth ah a um,” tiah an chimh.

1 SAMUEL 19:22

Khi tikah amah hrimhrim Ramah ah cun a kal i Seku i a ummi tikhor nganpi kha a phan; cun, “Samuel le David kha khuazei ah dah an um?” tiah a hal hna. Cun pakhat nih, “Zohhmanh, Ramah khua chung i Naioth ah an um,” tiah a ti.

1 SAMUEL 19:23

Cun khika in Ramah khua chung i Naioth ah cun a va kal i Pathian thlarau kha amah cungah cun a tlung ve i a kalpah cun, Ramah khua chung i Naioth a phak hlantiang a holh cukmak lengmang ko.

1 SAMUEL 20:1

Khi tikah David cu Ramah khua chung i Naioth khan a zam i Jonathan sinah a kal i, “Zeidah ka tuah? Zeidah ka mawhnak a si? Na pa hmaiah zeidah ka sualnak a si i ka nunnak a ka kawl hi?” tiah a ti.

1 SAMUEL 21:11

Cun Akhish sinum hna nih cun a sinah, “Mah hihi an ram siangpahrang David kha a si lo maw? An lam pah in, “Saul nih a thongthong in a thah hna, David nih a sangsang in,” tiin pakhat le pakhat hla an i leh lo maw kha?” tiah an ti.

1 SAMUEL 28:3

Samuel kha atu cu a thi cang i Israel mi vialte nih an ṭah i amah khua Ramah ah khan an vui. Cun Saul nih thitlawnthiam le hnamngei kha ram chungin a dawi dih hna.

1 SAMUEL 7:17

Cun a inn umnak a si caah Ramah ah a ra kir tawn i khika zongah Israel mi kha biading in bia a ceih hna. Cun khika ah Bawipa caah biakṭheng pakhat a ser.