1 SAMUEL 19:17 - Lai (Hakha) Common Language Bible 2006

¹⁷ Saul nih Mikhal sinah cun, “Zeicahdah hi bantukin na ka hlen i ka ral kha na kalter? Cu ca i amah a rak i zuh diam cang hi,” tiah a ti. Cun Mikhal nih Saul cu a leh i, “Ka kalter tuah, zeicahdah nangmah cu kan thah lai, tiah cun pei a ka ti cu,” tiah a ti.

1 SAMUEL 19:17 ပူးပေါင်းရင်းမြစ်များ

2 SAMUEL 17:20

Absalom sinum hna kha inn i minu sinah khan an rat tikah, annih nih, “Ahimaaz le Jonathan kha khuazei ah dah an si?” tiah an ti. Cun nu nih cun annih cu, “Tivarek kha an tan,” a ti hna. Mi hna nih cun an kawl len hna, an hmuh hna lo tikah khan Jerusalem khua ah an kir ṭhan.

2 SAMUEL 2:22

Cun Abner nih Asahel cu a chimh ṭhan i, “Na ka dawinak hin pial tuah; zeicahdah vawlei ah tlu lakin kan chunh lai? Na u Joab hmai zeitindah ka hmuh ngam lai?” tiah a ti.

1 SIANGPAHRANG 21:20

Ahab nih Elijah cu, “Na ka hmuh cang mu, maw ka ralpa,” tiah a ti. Cun anih nih, “Bawipa mithmuh i thil ṭhalo tuah awkah khan nangmah le nangmah cu naa zuar cang caah, kan hmuh cang.

MATTHAI 2:16

Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.

GALATI 4:16

Atu cu biatak kan chimh hna ruangah nan ral ka si cang maw?

1 SAMUEL 19:14

Saul nih amah kha lak awkah mi a hei thlah hna tikah, “A zaw,” tiah a rak ti.

1 SAMUEL 19:16

Cun a fialmi hna kha an rung luh tikah, zohhmanh, milem kha, a lu ah meheh hmul chantling i i tlinh in ihkhun cungah khan a rak um ko.

1 SAMUEL 22:17

Cun siangpahrang nih a pawng i a dirmi ralvengtu sinah khan, “I mer law, Bawipa tlangbawi kha that hna; annih zong David sin i an i ṭom caah a zam kha an hngal nain ka sinah an phuang lo,” tiah a ti. Sihmanhsehlaw siangpahrang sinum hna nih khan Bawipa tlangbawi hna thah awkah khan an kut an chuah duh lo.

1 SAMUEL 28:12

Nu nih Samuel kha a hmuh tikah aw fak piin a ai i nu nih cun Saul kha, “Zeicahdah na ka hlen? Nangmah hi Saul na si,” tiah a ti.