1 SAMUEL 19:11 - Lai (Hakha) Common Language Bible 2006

¹¹ Cu zan ah cun Saul nih David inn ah khan zinglei ah a thah khawh nakhnga amah kha bawh awkah mi a thlah hna. Sihmanhsehlaw David nupi Mikhal nih, “Tuzan ah hin na nunnak naa khamh lo ahcun, thaizing ah cun thah na si lai,” tiah a chimh.

1 SAMUEL 19:11 ပူးပေါင်းရင်းမြစ်များ

2 SAMUEL 3:13

Cun anih nih, “A ṭha ko; nangmah he biakamnak cu ka ser lai; sihmanhsehlaw nangmah sinin thil pakhat kan hal; cu cu Saul fanu Mikhal kha ka hmai hmuh awk i na rat tikah na ratpi hmasa lo ahcun, ka hmai na ka hmu lai lo,” tiah a ti.

BIACEIHTU 16:2

Gaza mi hna cu, “Samson hika ah a ra,” tiah an chimh hna i annih nih a hmun kha an kulh i khua hauka khan zan khuadei an bawh. Zan khuadei dai tein an um i, “Zinglei khua a dei tiang hngak u sih; cun khi tikah kan thah lai,” an ti.

1 SAMUEL 19:20

Khi tikah Saul nih David kha lak awkah mi a hei thlah hna; annih nih profet bu cu an holh cukmak len ko le Samuel kha an cungah haotu in a um kha an va hmuh tikah, Saul nih a thlahmi hna cungah khan Pathian thlarau cu a tlung i annih zong an holh cukmak ve.

1 SAMUEL 20:31

Zeicahtiah, Jesse fapa hi, vawleicung i a nun chung paohpaoh ahcun, nangmah siseh, na pennak siseh, a hmun bal lai lo. Cucaah mi hei thlah hna law, ka sinah ratpi u, zeitintiah a thi hrimhrim lai,” tiah a ti.