1 SAMUEL 18:27 - Lai (Hakha) Common Language Bible 2006

²⁷ David cu a mi hna he khan an tho i an kal i Filistin mi kha za hnih an thah hna i David nih an cuarpar cu a rak phorh hna i siangpahrang tupa a si nakhnga, siangpahrang sinah cun tling tein a pek hna. Cun Saul nih a fanu Mikhal cu nupi caah a pek.

1 SAMUEL 18:27 ပူးပေါင်းရင်းမြစ်များ

2 SAMUEL 3:13

Cun anih nih, “A ṭha ko; nangmah he biakamnak cu ka ser lai; sihmanhsehlaw nangmah sinin thil pakhat kan hal; cu cu Saul fanu Mikhal kha ka hmai hmuh awk i na rat tikah na ratpi hmasa lo ahcun, ka hmai na ka hmu lai lo,” tiah a ti.

2 SAMUEL 3:14

Cun David nih Saul fapa Ishbosheth sinah khan lamkal a hei thlah hna i, “Filistin mi cuarpar za khat in ka hammi ka nupi Mikhal kha ka pe tuah,” tiah a ti.

BIACEIHTU 14:19

Cun Bawipa thlarau cu ṭhawng ngaiin a cungah a tlung i Ashkelon ah a vung kal i cu khuami cu sawm thum a vung thah hna i an thuam cu a lak i biahleng a chimtu hna kha puai puan cu a pek hna. Thin lin ngaiin a pa inn ah a hung kir ṭhan.

1 SAMUEL 14:49

Cun Saul fapa hna cu Jonathan, Ishvi le Malkhishua an si; cun a fanu pahnih hna an min cu mah hihi an si: upa deuh min cu Merab, cun a ngakchia deuh min cu Mikhal;

1 SAMUEL 18:13

Cucaah Saul nih amah sin khan a ṭhial i thong khat haotu ah a ser i mi zapi hmaiah khan a chuak a lut lengmang.

1 SAMUEL 18:17

Cun Saul nih David cu, “Hika ah hin ka fanu upa deuh Merab a um ko; nupi caah kan pek lai; keimah caah na ral bel ṭha ko law, Bawipa raldohnak cu do ko hna,” tiah a ti. Zeitintiah Saul nih, “Keimah kut cun thi hlah seh, sihmanhsehlaw Filistin mi hna kut tu in thi deuh seh,” tiah a ruah.

1 SAMUEL 18:28

Sihmanhsehlaw Saul nih Bawipa kha David sinah a um ti le Israel mi vialte nih an duh ti kha a hmuh i a hngalh tikah,

1 SAMUEL 25:44

Saul nih a fanu Mikhal, David nupi kha, Gallim khuami Laish fapa Palti kha a rak pek cang.