1 SAMUEL 18:20 - Lai (Hakha) Common Language Bible 2006

²⁰ Saul fanu Mikhal nih David kha a duh i cucu Saul kha an chimh i cu nih cun a lung a lawmhter.

1 SAMUEL 18:20 ပူးပေါင်းရင်းမြစ်များ

2 SAMUEL 3:13

Cun anih nih, “A ṭha ko; nangmah he biakamnak cu ka ser lai; sihmanhsehlaw nangmah sinin thil pakhat kan hal; cu cu Saul fanu Mikhal kha ka hmai hmuh awk i na rat tikah na ratpi hmasa lo ahcun, ka hmai na ka hmu lai lo,” tiah a ti.

2 SAMUEL 6:16

Bawipa kuang kha David khua chung i a luh lioah Saul fanu Mikhal nih khan thlalangawng in a hei zoh i Siangpahrang David cu Bawipa hmai i a laam le aa hlawh len ko kha a hei hmuh i a lung chungin a nihsawh.

2 SAMUEL 6:20

Cun David cu a innchungkhar kha thluachuah pek awkah a va kir. Sihmanhsehlaw Saul fanu Mikhal nih khan David cu ton awkah a ra chuak i, “Nihin cu Israel siangpahrang cu a sunglawi ko cu ta, mizeiruaramlo pakhat nih ningzah hngal loin a hnipuan aa phoih bantukin pei, a sal hna i an salnu hna hmaiah, nihin ah aa phoih ve kha!” tiah a ti.

1 SAMUEL 14:49

Cun Saul fapa hna cu Jonathan, Ishvi le Malkhishua an si; cun a fanu pahnih hna an min cu mah hihi an si: upa deuh min cu Merab, cun a ngakchia deuh min cu Mikhal;

1 SAMUEL 18:28

Sihmanhsehlaw Saul nih Bawipa kha David sinah a um ti le Israel mi vialte nih an duh ti kha a hmuh i a hngalh tikah,