1 SAMUEL 18:14 - Lai (Hakha) Common Language Bible 2006

¹⁴ Cun Bawipa kha amah sinah a um caah David cu a thil tuahmi vialte ah a hlawhtling.

1 SAMUEL 18:14 ပူးပေါင်းရင်းမြစ်များ

GENESIS 39:23

Bawipa nih khan Josef cu a umpi i a tuahmi paoh kha a tlam a tlinter caah Josef zohkhenhmi thil a simi paoh kha cu thong bawi nih zeihmanh a zoh a herh lo.

2 SAMUEL 5:10

Cun David cu Bawipa, ralkapbu Pathian kha a sinah a um caah a ngan chin lengmang.

2 SIANGPAHRANG 18:7

Cun Bawipa cu amah sinah a um i a kalnak paoh ah khua awng a tong. Assiria siangpahrang kha a doh i a rian a ṭuan duh lo.

1 CHANRELNAK 18:13

Cun Edom ram chungah ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.

1 CHANRELNAK 18:6

Cun David nih Damaskas i Siria ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.

2 CHANRELNAK 17:3

A pa nih a hlan deuh i a rak zulhmi lam kha a zulh caah Bawipa cu Jehoshafat sinah a um; amah nih Baal kha a kawl hna lo,

SALM 101:2

Ka cungah zei khom hmanh tlung seh law, fimnak le soi awk um lo a simi lam kha zulh kaa zuam lai. Ka inn chungah hin lungthiang in khua ka sa lai.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LAMKALTU 18:10

zeicahtiah keimah nih kan umpi ko. Hi khua chung i a ummi hna lakah hin mi tampi ka minung an si caah ahohmanh nih harnak an in pe kho lai lo,” tiah a ti.

JOSHUA 6:27

Cucaah Bawipa cu Joshua sinah a um i cu ram chung vialte ah cun a min a thang.

BIACEIHTU 1:19

Cun Bawipa cu Judah sinah a um i tlangram i a ummi hna cu a dawi hna, sihmanhsehlaw rawn i a ummi hna cu, thir rangleng hna kha an ngeih caah an dawi kho hna lo.

1 SAMUEL 10:7

Cun hi hmelchunhnak hi na ton hna tikah, thil umtuning nih a serning paoh in va tuah ko, zeitintiah Pathian cu na sinah a um.

1 SAMUEL 16:18

Tlangval pakhat nih khan a hun leh i, “Zohhmanh, Bethlehem khuami Jesse fapa pakhat, tingtang tum a thiammi, mi ralṭha, raldoh thiammi, biachim holh rel i a fimmi, mui dawh ngai, ka hmuh; cun Bawipa cu amah sinah a um,” tiah a ti.

1 SAMUEL 18:15

Cun Saul nih a hlawh a tling ngaingai ti kha a hmuh tikah amah kha a zeuh ngaingai.

1 SAMUEL 19:8

Cun ral a um ṭhan hoi i Filistin mi he i doh awkah David cu a kal, tampi a thah hna, cucaah a hmai in an zaam.

1 SAMUEL 3:19

Cun Samuel cu a ṭhang i Bawipa cu a sinah a um i a bia kha pakhat hmanh vawlei ah a lohlakter lo.