1 SAMUEL 17:51 - Lai (Hakha) Common Language Bible 2006

⁵¹ Khi tikah David nih cun a hei tlikhnawh i Filistin mipa cungah cun a dir i a nam kha a lak i a kawng in a zuh i a thah i nam cun a lu kha a tan. Filistin mi nih an miṭhawng bik kha a thi cang tiah an hmuh tikah an zam.

1 SAMUEL 17:51 ပူးပေါင်းရင်းမြစ်များ

2 SAMUEL 23:21

Cun Izipt mi pakhat, aa dawh ngaimipa, a thah. Izipt mipa cu fei aa put, sihmanhsehlaw Benaiah nih cun thing thluan he a vun fuh i Izipt mipa cu a kut chungin fei kha a chuh i amah fei lila cun a thah.

2 SAMUEL 4:7

Inn chung i an va luh tikah khan, a ihnak dai chung i a ihkhun cungah a ih lioah khan an tuk i an thah i a lu an tan. A lu kha an lak i Arabah lei kalnak lam khan zan khuadei an kal i

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

HEBRU 11:34

mei ṭihnung kha an hmih i vainam thahnak in an luat. Annih cu an rak der, sihmanhsehlaw miṭhawng ah an cang, raltuknak hmun ah khan a ṭhawngmi an si i ramdangmi ralkap kha an tei hna.

HEBRU 2:14

Cun ngakchia tiah a timi hna cu, thi le sa in a nungmi minung an si bantukin, Jesuh zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i nawl a ngeitu Khuachia kha, a thihnak thawng cun a hrawh nakhnga le

1 SAMUEL 17:50

Cuticun David nih Filistin mipa kha, lungherhchehnak le lung pakhat in a tei i, Filistin mipa kha a khen i a thah; David nih nam aa ken lo.

1 SAMUEL 21:10

Cun David cu a tho i khi ni ah Saul sinin a zam i Gath siangpahrang Akhish sinah a kal.

1 SAMUEL 21:9

Cun tlangbawi nih cun, “Elah nelrawn i na thahmi, Filistin mi Goliath i a nam kha, zohhmanh, tlangbawi angki hnulei ah khin puan in aa zual i a um ko; mah khi naa lak duh ahcun i lak ko, zeicahtiah mah khi lawng khi a um,” tiah a ti. Cun David nih, “A dang khi bantuk khi a um lo, ka pe tuah,” tiah a ti.

1 SAMUEL 31:9

A lu kha an cik i a ralthuam kha an hawh i thawngṭha cu an siasal hna le mi zapi hna sin i kalpi awkah Filistin mi ram dihlak ah khan thawngthanhtu an thlah hna.