1 SAMUEL 17:45 - Lai (Hakha) Common Language Bible 2006

⁴⁵ Cu tikah David nih cun Filistin mipa cu a thawh i, “Nang nih cun vainam le fei le fei nganpi he na ka chuahhnawh; sihmanhsehlaw kei nih cun ralkapbu Bawipa, Israel ralkapbu hna i an Pathian, na zawmhtaihmi min khan kan chuahhnawh.

1 SAMUEL 17:45 ပူးပေါင်းရင်းမြစ်များ

2 CHANRELNAK 14:10

Cun amah cu Asa nih a hei chuahhnawh ve i Mareshah i Zefathah nelrawn ah cun i doh awkah an i tiang.

2 CHANRELNAK 32:8

Amah sin i a ummi cu titsa hriamnam a si, sihmanhsehlaw kan sin i a ummi cu Bawipa kan Pathian a si, amah nih a kan bawmh lai i kan ral hna cu a kan dohpiak lai,” tiah a ti. Cun Judah siangpahrang Hezekiah bia cun mi nih zumhnak an i lak.

SALM 124:8

Bawmhnak kan hmuhnak cu Bawipa sinin a si, amah cu van le vawlei a sertu a si.

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

SALM 20:8

Annih cu an ril i an tlu lai. sihmanhsehlaw kannih cu kan tho lai i, fek tein kan dir lai.

SALM 3:8

Khamhnak cu Bawipa sinin a rami a si, Bawipa nih a mi cu thluachuah pe ko hna seh.”

SALM 44:6

Keimah Khamhtu dingah ka li kha kaa bochan lo i ka thal zong kaa bochan lo

PHUNGTHLÛKBIA 18:10

Bawipa min cu a fekmi innsang a si, miding cu khika ah khan an va tli i an him.

ISAIAH 37:23

Ahodah ka nihsawhmi le ka serhsatmi hi a si tiah na ruah? Israel Pathian thiang hi na ka serhsatmi cu ka si.

ISAIAH 37:28

“Asinain nangmah kong cu a dihlak in ka hngalh dih; zei na tuah le khuazei i na kal kha ka hngalh dih. Zeitluk in dah ka cung i na thin a hun kha ka hngalh.

2 KORIN 10:4

Raldohnak i kan hmanmi hriamnam cu vawlei cung hriamnam an si lo, ralhruang fekfek a hrawk khotu Pathian hriamnam tu kha an si. A hmaan loin bia i alnak kha kan hrawh,

2 KORIN 3:5

Hi rian hi kan ṭuan khawh vun i ti awkah kanmah ah hin zeihmanh i chim awk kan ngei lo. Kan ṭuan khawhnak cu Pathian sinin a rami a si i

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

1 SAMUEL 17:10

Cun Filistin mipa nih cun, “Nihin ah hin Israel ralkap cu keimah nih kan zuam hna; mi pakhat i thim u law, kan i tawng tuah lai,” tiah a ti.

1 SAMUEL 17:26

Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.

1 SAMUEL 17:6

Cun a ke ah ngal tuamnak dar phaw aa hruk i a liang ah dar fei aa bei.