1 SAMUEL 17:28 - Lai (Hakha) Common Language Bible 2006

²⁸ Cun a u upa bik Eliab nih mi hna sin i bia a chim kha a rak theih i David cungah cun a thin a hung i, “Zeidah na ra tuah?” Kha tuu, tlawmte kha ramlak ah khan aho sinah dah na kaltak hna? Na ninghngalte le raltuk zoh awkah na ra ko hih?” tiah a ti.

1 SAMUEL 17:28 ပူးပေါင်းရင်းမြစ်များ

GENESIS 37:11

Josef cu a unau pawl nih khan cun an nahchuah ngaingai, sihmanhsehlaw a pa nih cun thil vialte kha a lung chungin a ruah lengmang.

GENESIS 37:4

An pa nih annih nakin Josef a dawt deuh kha a unau hna nih cun an hmuh tikah an huat ngaingai i a chawnh hmanh ṭhiṭha in an chawn duh lo.

GENESIS 37:8

A unau pawl nih cun, “Kan cungah siangpahrang ka si lai tiin dahra naa ruah? Nangmah nih cun maw na kan uk ko hnga?” an ti i a mang kong a chimhmi hna ruangah cun an huat chinchin.

2 CHANRELNAK 11:18

Rehoboam nih Mahalath kha nupi ah a ṭhit, amah cu David fapa Jerimoth le Jesse fapa Eliab i fanu Abihail i an fanu a si;

SALM 35:11

Miṭhalo nih sual an ka phawt i ka hngalh hrimhrim lomi sualnak kha an ka puh.

PHUNGTHLÛKBIA 18:19

U le nau i bawmh hi a fekmi khua bantuk a si, sihmanhsehlaw i sik cu ralhau kharkanh bantuk a si.

PHUNGTHLÛKBIA 27:4

Thinhunnak hi a puar i thinlinhnak hi a hrang ko, sihmanhsehlaw nahchuahnak he cun tahchunh awk tlak hmanh an si lo.

PHUNGCHIMTU 4:4

Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

MATTHAI 10:36

nan ral ṭhalo bik hna cu nanmah innchungkhar chung mi lila an si lai.

MATTHAI 27:18

Pilat nih khan Jesuh ka kut chung i an ka pek hi an nahchuah caah a si ti kha fiang tein a hngalh.

MARKA 3:21

Cucu le mi nih, “A hrut cang,” an ti kha a chungle nih an theih tikah, kan va hnuh lai, tiah an i thawh.

JUDAS 1:10

Sihmanhsehlaw hi mi hna nih hin cun an hngalh lomi thil paoh kha zeirello in an um; cun saram bantukin chuahpimi pumsa duhnak in an hngalhmi kha anmah a hrawktu hna thil cu an si.

1 SAMUEL 16:13

Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.

1 SAMUEL 17:29

Cun David nih, “Zei hen dah ka tuah i? Bia kaa khat chim thamtham cu,” tiah a ti.