1 SAMUEL 17:25 - Lai (Hakha) Common Language Bible 2006

²⁵ Cun Israel mi hna nih cun, “Hi a hung chuak mipa hi na hmu maw? Israel zawmhtaih awk hrimhrim ah a hung chuak ko hi ta; cun hi pa a thattu hi cu siangpahrang nih laksawng tampi a pek lai i a fanu zong kha a pek lai i, a pa innchungkhar ngunkhuai a luatter lai,” tiah pakhat le pakhat an i ceih.

1 SAMUEL 17:25 ပူးပေါင်းရင်းမြစ်များ

EZRA 7:24

Cun hi Pathian inn chung tlangbawi si hna seh, Levi mi si hna seh, hlasatu si hna seh, kutka cawngtu si hna seh, biakinn rianṭuantu si hna seh, rianṭuantu dangdang si hna seh, ahohmanh ngunkhuai siseh, thil ngeih man siseh, lam hman man siseh, thawhter cu a phung a si lai lo ti zong kha kan in theihter hna.

MATTHAI 17:26

Peter nih cun, “Ramdangmi nih ta,” tiah a leh. Cun Jesuh nih, “A ṭha ko, cu ti a si ahcun ramchungmi nih cun pek a herh lo.

JOSHUA 15:16

Cun Kaleb nih, “Kiriath-sefer atu i a latu paoh cu ka fanu Aksah kha nupi ah ka pek lai,” tiah a ti.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

BIAPHUAN 3:12

Teitu a simi cu ka Pathian biaknak inn chungah khan tungpi ah ka ser lai i cu biakinn cu zeitikhmanh ah a chuahtak lai lo. Amah cungah cun ka Pathian min kha ka ṭial lai i ka Pathian khualipi, a min Jerusalem thar a simi zong kha a cungah cun ka ṭial lai. Cu khualipi cu ka Pathian sinin vancung khin a rung ṭum lai. Cun a cungah cun ka min thar zong ka ṭial fawn lai.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.

1 SAMUEL 17:24

Israel mi vialte nih mipa kha an hmuh tikah an zam i an thin a phang ngaingai.

1 SAMUEL 17:27

Cun mizapi nih cun an leh i, “Hi pa a thattu cu kan chim bantuk khan a cungah tuah a si ko lai,” tiah an ti.