1 SAMUEL 17:24 - Lai (Hakha) Common Language Bible 2006

²⁴ Israel mi vialte nih mipa kha an hmuh tikah an zam i an thin a phang ngaingai.

1 SAMUEL 17:24 ပူးပေါင်းရင်းမြစ်များ

ISAIAH 30:17

Ral pakhat nan hmuh tikah, thong khat nan zam lai i nan dihlak in an zamtertu hna dingah hin ral panga lawnglawng a za ko lai. Nan ralkapbu chung khan ahohmanh an tang lai lo, tlang par i alan nan thlainak tung te lawng kha a tang lai.

ISAIAH 7:2

Judah siangpahrang nih Siria ralkap hna cu Israel ram chung kha an phan cang, ti kha a theih tikah, amah le a mi hna cu an thin a phang tuk hringhran i thlitu nih thingkung a hninh bantuk khin an i hnin.

LEVITIKAS 26:36

Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng nih a zamter hna lai i vainam lak i zam bantukin an zam lai i ahohmanh i dawi lo ah an thi lai.

NAMBAR 13:33

Cuka ah cun Nefilim mi (Nefilim in a chuakmi Anak fapa hna kha) kan hmuh hna i kanmah le kanmah cu khaubawk bantuk ceo ah khin kan i hmu i annih sin zongah cu bantuk cu kan si ko,” tiah an ti.

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

1 SAMUEL 17:11

Saul le Israel mi vialte nih Filistin mipa bia kha an theih tikah an lung a dong i an thin a phang ngaingai.

1 SAMUEL 17:23

An sin i bia a chim lioah khan, zohhmanh, an miṭhawng bik, Gath khuami Filistin mi, a min Goliath a simi kha, Filistin ralkap chung cun a hung chuak i hmasa bantuk ṭhiamṭhiam khan Israel mi cu a zuamcawh hna. Cun David nih amah bia cu a theih.

1 SAMUEL 17:25

Cun Israel mi hna nih cun, “Hi a hung chuak mipa hi na hmu maw? Israel zawmhtaih awk hrimhrim ah a hung chuak ko hi ta; cun hi pa a thattu hi cu siangpahrang nih laksawng tampi a pek lai i a fanu zong kha a pek lai i, a pa innchungkhar ngunkhuai a luatter lai,” tiah pakhat le pakhat an i ceih.