1 SAMUEL 17:18 - Lai (Hakha) Common Language Bible 2006

¹⁸ cun annih an thong khat haotu caah cawhnuk khal tlang hra hi i phorh fawn. Na ule kha zeitindah an um va zoh hna law, annih sinin hmelchunhnak pakhatkhat rak phor te,” a ti.

1 SAMUEL 17:18 ပူးပေါင်းရင်းမြစ်များ

GENESIS 37:13

Israel nih khan Josef cu a thawh i, “Na ule cu Shekhem ah saṭil kha an khal hna. I tim law an sinah kan thlah lai,” a ti. Josef nih cun, “Kaa tim ko,” tiah a leh.

GENESIS 37:14

A pa nih cun a thawh i, “Va kal law na ule kha an dam dam lo va zoh hna law saṭil zong cu an i nincan le nincan lo va zoh hna; cun bia rak ka phorh te,” a ti. Cuticun a pa nih khan Hebron nelrawn khan a thlah. Shekhem kha a va phak tikah

2 SAMUEL 17:29

khuaihliti le cawhnuk khal le tuu hna le cawrun chungin hmuhmi cawhnuk kham, David le a sin i a ummi hna ei awkah khan an rak put hna; zeitintiah annih nih, “Mi cu ramlak ah an rawl a ṭam; an ba i an ti a hal ko,” tiah an ti.

ESTHER 2:11

Cun Esther nih khan zeidah a tuah i zeitindah a um ti hngalh awkah Mordekai cu nu khaan tual hmaiah khan nifate in aa chawk.

JOB 10:10

Nangmah nih cawhnuk bangin na ka thlet i cawhnuk khal bangin na ka khalter lo maw?

EXODUS 18:7

Amah ton awkah khan Moses cu a kal i a hmaiah a kun i a hnamh. Pakhat le pakhat cu an dam dam lo kong kha an i hal i thlam chungah khan an lut.

LAMKALTU 15:36

Cu hnu caan tlawmpal ah khin Paul nih Barnabas cu a thawh i, “Va kal ṭhan u si law Bawipa kong kan chimnak khua paoh ah khan kan unau hna kha va tlawng ṭhan hna u si law zeitindah an um ti kha va zoh hna u sih,” tiah a ti.

BIACEIHTU 18:15

Cun khi leiah an va kal i Mikah inn ah Levi tlangvalpa umnak kha an phan i a khuasakning kha an hal.

1 SAMUEL 16:20

Cun Jesse nih changreu le mitsur hang cua khat a phormi laa pakhat le meheh fa pakhat kha a lak i a fapa David sinin Saul sinah khan a kuat hna.

1 SAMUEL 17:19

Saul le a ule hna le Israel mi vialte cu Elah nelrawn chungah khan, Filistin mi hna he i do in an um, hna a ti.

1 SAMUEL 25:5

Cucaah David nih tlangval pahra a thlah hna i David nih tlangval hna sinah cun, “Karmel ah hung kal u law, cun Nabal kha va tong u law, ka min in biakchawnhnak pe u.

1 SAMUEL 30:21

Cun David cu mi za hnih, an baat tuk ca i David a zul kho lo i Besor varek i an kaltakmi hna sin kha a ra phan; cun annih nih David le a sinah a ummi hna kha ton awkah an kal; cun David nih a hei phak deng hna tikah khan conglawmhnak a pek hna.