1 SAMUEL 17:12 - Lai (Hakha) Common Language Bible 2006

¹² Cun David cu Bethlehem khua i Jesse fapa a si. Jesse cu Efrath chung a si i fapa pariat a ngei. Saul chan ah khan cu pa cu a tar cang i a kum a upa cang.

1 SAMUEL 17:12 ပူးပေါင်းရင်းမြစ်များ

GENESIS 35:19

Rachel cu a thi i Efrath lei kalnak lam ah khan an vui. Efrath cu Bethlehem ti a si cang.

2 SAMUEL 23:1

Cun mah hihi David bia hmanung bik cu an si: Jesse fapa David bia, sangpi ah cawimipa, Jakob Pathian chiti thuhmi, Israel mi hla dawh phuah thiamtu bia cu:

SALM 132:6

Bethlehem khua ah biakamnak kuang kong kha kan theih i Jaar lo lakah khan cu kuang cu kan hmuh.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

MATTHAI 1:6

Jesse cu Siangpahrang David pa a si. David cu Solomon pa a si (a nu cu Uriah nupi kha a si);

MATTHAI 2:1

Jesuh cu, Judea ram Bethlehem khua ah, Siangpahrang Herod bawi a si lioah khan a chuak. A chuah tlawmpal ah cun arfi zohthiammi hna kha nichuahlei in Jerusalem khua ah khan an ra i,

MATTHAI 2:6

Judea ram ummi Bethlehem khua, Nangmah cu Judah ram khuapi hna lakah a hme bik na si naisai lo; Zeicahtiah nangmah chung hin hruaitu pakhat, ka mi Israel mi hna tuukhal a si dingmi cu a chuak lai,” a ti.

RUTH 1:2

Cu mipa a min cu Elimelek a si, a nupi min cu Naomi a si i a fapa pahnih hna min cu Mahlon le Khilion an si; Judah ram chung Bethlehem khua i Efrath mi an si. Moab ram ah cun an va kal i khika ah an va um.

RUTH 4:17

Cun innpa nu pawl nih khan min an sak i, “Naomi caah fapa a chuak,” tiah an ti. Obed tiah min an sak; amah cu David pa Jesse i a pa a si.

RUTH 4:22

Obed cu Jesse pa a si i Jesse cu David pa a si.

1 SAMUEL 1:1

Efraim tlangram Ramathaim-zofim khua ah mipa pakhat a um i a min cu Elkanah a si; amah cu Jeroham fapa a si, Jeroham cu Elihu fapa a si, Elihu cu Tohu fapa a si, Tohu cu Efraim mi Zuf fapa a si.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 16:18

Tlangval pakhat nih khan a hun leh i, “Zohhmanh, Bethlehem khuami Jesse fapa pakhat, tingtang tum a thiammi, mi ralṭha, raldoh thiammi, biachim holh rel i a fimmi, mui dawh ngai, ka hmuh; cun Bawipa cu amah sinah a um,” tiah a ti.

1 SAMUEL 17:11

Saul le Israel mi vialte nih Filistin mipa bia kha an theih tikah an lung a dong i an thin a phang ngaingai.

1 SAMUEL 17:58

Cun Saul nih a sinah, “Aho fapa dah na si, tlangvalpa?” tiah a ti. Cun David nih, “Bethlehem khuami na sal Jesse fapa ka si,” tiah a leh.