1 SAMUEL 16:7 - Lai (Hakha) Common Language Bible 2006

⁷ Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.

1 SAMUEL 16:7 ပူးပေါင်းရင်းမြစ်များ

GENESIS 4:5

sihmanhsehlaw Kain le a laksawng cungah khan cun a lung a si lo. Kain cu a thin a hung i a hmai a chia.

2 SAMUEL 14:25

Israel mi vialte lakah dawh leiah Absalom tlukin thangṭhat awk aho hmanh an um lo; a kechik in a luthlung tiang soisel awk pakhat hmanh a um lo.

2 SAMUEL 7:20

Cun David nih na sinah zei hlei dah a chim khawh ti lai? Zeitintiah, maw Bawipa Pathian, nangmah nih na sal cu na hngalh ko!

1 SIANGPAHRANG 8:39

khi tikah nang nih na umnak van khin rak theihpiak hna law ngaithiam hna law, tuah law an zulhmi lam vialte ning cio ah an lungthin nangmah nih na hngalh ko mi hna cu pe ko hna (zeitintiah nangmah, nangmah lawnglawng nih minung fa vialte hna an lung cu na hngalh);

1 CHANRELNAK 17:18

Cun na sal upatnak pek awk caah hin David nih zeidah chim awk ka ngeih ti? Zeicahtiah na sal cu nangmah nih na hngalh ko.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

2 CHANRELNAK 6:30

khi tikah nang nih na umnak van khin rak theihpiak hna law, ngaithiam hna law, an zulhmi lam vialte ning cio ah an lungthin nangmah nih na hngalh komi hna cu pe ko hna, zeitintiah nangmah lawnglawng nih minung fa hna an lung cu na hngalh;

JOB 10:4

Titsa mit maw na ngeih? Mi hmuh bantukin maw na hmuh?

JOB 35:5

Van khi hei zoh law ruat tuah, Nangmah cungpi i a ummi khuadawm khi zoh tuah hna.

SALM 139:2

Ka tuahmi vialte cu na hngalh dih, lamhlatpi khin ka ruahnak vialte cu na hngalh dih ko hna.

SALM 7:9

Miṭhalo hna ṭhat lonak cu kham law miṭha cu laksawng in lehrul ko hna. Nang cu a dingmi Pathian na si i minung lungthin le duhnak vialte a hngal dihtu na si.

PHUNGTHLÛKBIA 15:11

Sheol le Abaddon hmanh Bawipa hmaiah cun an lang ko, minung lungthin chinchin cu zeitluk in dah a langh lai!

PHUNGTHLÛKBIA 16:2

Na tuahmi cu a ṭha dih in na ruah ko lai, sihmanhsehlaw Bawipa nih naa tinhnak na lungthin cu a hngalh dih.

PHUNGTHLÛKBIA 24:12

Naa thawh i, “Hi pa hi ka rak hngalh bal ṭung lo,” na ti ahcun, na lungthin a hngaltu Pathian nih khan an chingchiah lai. Nangmah an zohkhenhtu Pathian nih a hngalh kha hngal ko law mi cu an tuahning khan a cham cio ko hna lai.

PHUNGTHLÛKBIA 31:30

Iang hi hlen a hmang, dawh hi a ziam kho, Sihmanhsehlaw Bawipa a ṭihmi nu cu thangṭhat awk a si.

JEREMIAH 11:20

Maw Ralkapbu Bawipa, ding tein bia a ceih i Minung lungchung le ruahnak a hneksak dihtu, Ka cung bia hi nangmah kan pek, Phu na hlam hnanak cu ka hmuhter ko.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 20:12

Maw Ralkapbu Bawipa, nang cu mi kha ding tein a hneksak i lungthin le ruahnak a hmu dihtu na si, Ka cung thil hi nangmah cungah ka chuan cang caah An cung i phu na hlammi cu ka hmuhter ko.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

JOHAN 7:24

Lenglei zoh lawngin biakhiak hlah ngat u, dingte tu in ta bia cu nan khiah,” tiah a ti hna.

JOHAN 8:15

Nannih nih cun minung phungning lawnglawng in biakhiahnak nan tuah, kei tu nih cun aho cung hmanh ah biakhiahnak ka tuah lo.

LAMKALTU 1:24

Cun thla an cam i, “Bawipa, nangmah nih minung lungthin vialte cu na hngalh dih.

2 KORIN 10:10

Micheu nih nan i thawh i, “Paul cu ca kuat ciammam ah cun a ti ti awk a ṭha lo, sihmanhsehlaw hmunkhat um taktak ahcun zei pipa a si lo, bia chim zongah zei ṭhai a si lo,” nan ti.

2 KORIN 10:7

Thil cu a sining taktak in zohhmanh u sih: Pakhat nih aa thawh i Khrih ta ka si, a ti. Cu pa nih cun amah kha ṭha tein i ruat ta rih tuah seh, zeicahtiah amah cu Khrih ta a si tluk te khan kannih zong kan si ve ko.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

1 PETER 2:4

Cucaah Bawipa sinah khan ra tuah u; amah cu a nungmi Lung, minung nih hlaw hmanh hna seh law Pathian nih a sungmi ah a relmi kha a si.

1 PETER 3:4

nan i dawhnak cu nan chung muru ah a um awk a si i cu nan i dawhnak cu a tar kho lomi nemnak le daihnak lungthin, Pathian mithmuh i a sung bikmi thil a simi kha a si.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

1 SAMUEL 2:3

Ninghngal tuk in bia chim ti hlah u, Ruamkainak cu nan kaa chung in chuak hlah seh; Zeitintiah Bawipa cu fimnak Pathian a si, Amah nih tuahnak hna kha an khing a thlai tawn hna.

1 SAMUEL 9:2

cun fapa pakhat a ngei i a min cu Saul a si, tlangval chuakthiam ngai a si. Israel mi lakah amah nakin aa dawh deuhmi pakhat hmanh an um lo; ahohmanh a liang cungin a lonh dih hna.