1 SAMUEL 16:20 - Lai (Hakha) Common Language Bible 2006

²⁰ Cun Jesse nih changreu le mitsur hang cua khat a phormi laa pakhat le meheh fa pakhat kha a lak i a fapa David sinin Saul sinah khan a kuat hna.

1 SAMUEL 16:20 ပူးပေါင်းရင်းမြစ်များ

GENESIS 43:11

An pa Israel nih cun, “Cu ti bantukin a si awk a si ahcun, hitihin tuah u: hi ram chung thil chuak ṭha bikbik kha i phorh hna u, mitsur thei car tlawmpal, khuaihliti tlawmpal, hangṭamh, hru thei le almon thei, hi hna hi nan sawngkhoi chungah i sanh hna u law mipa cu laksawng ah vung phorh u.

PHUNGTHLÛKBIA 18:16

Laksawng nih laksawng petu caah khan lam a hun i mingan hna sinah khan a phakpi.

1 SAMUEL 10:27

Sihmanhsehlaw, mizeiruaramlo a cheu khat nih cun, “Mah pa nih hin zeitindah a kan khamh khawh lai?” tiah an ti. An nihsawh i laksawng zeihmanh an put lo. Sihmanhsehlaw dai tein a um ko.

1 SAMUEL 10:4

Cun annih nih salaam an in pek lai i changreu tlang hnih an in pek lai, cucu an kut khan na cohlan hna lai.

1 SAMUEL 16:19

Cucaah Saul nih Jesse sinah cun lamkal a hei thlah hna i, “Tuu sinah a ummi na fapa David kha rak ka kua tuah,” tiah a ti.

1 SAMUEL 17:18

cun annih an thong khat haotu caah cawhnuk khal tlang hra hi i phorh fawn. Na ule kha zeitindah an um va zoh hna law, annih sinin hmelchunhnak pakhatkhat rak phor te,” a ti.

1 SAMUEL 25:18

Khi tikah Abigail cu aa namhnawh i changreu hlum za hnih le mitsur hang cua hnih le chumh awk i can ciami tuu panga le vaireu rel nga le mitsur bor za khat le theipi hlum za hnih, aa lak hna i laa cungah a chuan hna.