1 SAMUEL 16:16 - Lai (Hakha) Common Language Bible 2006

¹⁶ Kan bawipa nih nangmah hmai i a ummi na sal hna hi, tingtang tum a thiammi kawl awkah nawl kan pe tuah; Pathian sinin a rami thlarau ṭhalo kha na cungah a um tikah amah nih cun a tum lai i na dam lai,” tiah an ti.

1 SAMUEL 16:16 ပူးပေါင်းရင်းမြစ်များ

GENESIS 41:46

Izipt ram siangpahrang Faro kut tang i rianṭuan hram aa thawk ah khan Josef cu kum sawm thum a si. Siangpahrang cu khualtlawnnak nawl kha a hal i Izipt ram chung khuazakip ah khan aa chawk.

1 SIANGPAHRANG 10:8

Na nupi hna hi an van a va ṭha dah! Hi na sinum hna nangmah hmaiah a dir zungzal i na fimnak a theimi hna hi an van a va ṭha dah!

2 SIANGPAHRANG 3:15

Sihmanhsehlaw tingtang tum thiammi hunpi tuah ngat u,” tiah a ti. Cun tingtang tum thiam nih khan a hun tum tikah Bawipa ṭhawnnak cu a cungah a tlung.

1 SAMUEL 10:5

Cu hnuah cun Filistin ralveng ralkapbu umnak Gibeath-elohim cu na va phan lai; cun cuka ah cun, khua chung i na va luh lioah khin tingtang le khuangte le thonglawi le ruakhuang he khuahrum bo in a rung ṭummi profet bu khat, a holh cukmak len komi, na ton hna lai.

1 SAMUEL 16:14

Bawipa thlarau cu Saul sin khan aa ṭhial i Bawipa sinin a rami thlarau ṭhalo nih amah kha awlok a chonh.

1 SAMUEL 16:15

Cun Saul cu a sinum hna nih khan, “Zohhmanh, Pathian sinin a rami thlarau ṭhalo nih awlok an chonh hih.

1 SAMUEL 16:17

Cucaah Saul nih a sinum hna sinah cun, “Tum a thiammi ka hmuhpiak u law, ka sinah ratpi u,” tiah a ti.

1 SAMUEL 18:10

Cun a thaizing ah thlarau ṭhalo Pathian sinin a rami kha Saul cungah a tlung i David nih ni khat hnu ni khat a tum tawn bang khan tingtang kha a tum lioah, a inn chungah molh bia kha a chim lengmang ko. Saul nih a fei kha a kut in aa put i

1 SAMUEL 19:9

Cun Saul cu a inn chung i fei i put in a ṭhut lioah khan, Bawipa sinin a rami thlarau ṭhalo cu a cungah khan a tlung; cu lioah cun David kha tingtang a tum.