1 SAMUEL 16:14 - Lai (Hakha) Common Language Bible 2006

¹⁴ Bawipa thlarau cu Saul sin khan aa ṭhial i Bawipa sinin a rami thlarau ṭhalo nih amah kha awlok a chonh.

1 SAMUEL 16:14 ပူးပေါင်းရင်းမြစ်များ

2 SAMUEL 7:15

sihmanhsehlaw nangmah hmai in ka ṭhialmi Saul sinin ka lak bantuk khan a sinin a fekmi ka dawtnak cu ka la lai lo.

1 SIANGPAHRANG 22:19

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah a pawng i an dir kha ka hmuh;

1 SIANGPAHRANG 22:22

Cun Bawipa nih, ‘Zei in dah na lem lai?’ tiah a ti. Cun anih nih, ‘Ka va kal lai i a profet vialte hna kaa chungah nal thlarau ka va si lai,’ tiah a ti. Cun anih nih, ‘Na va lem hrimhrim lai i na lem khawh taktak lai; va kal law cu bangin va tuah,’ tiah a ti.

SALM 51:11

Na umnak hmun khan ka ṭhawl hlah, na thiang thlarau kha ka lakkanh hlah.

HOSEA 9:12

Annih nih fa an ngeih hmanh ah ka lakpiak hna lai i pakhat hmanh ka nganh hna lai lo. Hi mi hi ka kaltak tik hna ah an cungah thil ṭhalo ngaingai a tlung lai.

BIACEIHTU 16:20

Cun amah nih cun, “Samson, Filistin mi nih an in tlaih cang lai hih!” tiah a ti. Cun aa hngilhnak cun a hun i hlau i, “Voi dang bantuk khan ka chuak lai i keimah le keimah kaa luatter lai,” tiah a ti. Cun anih nih, Bawipa nih a kaltak cang kha a hngal lo.

BIACEIHTU 16:29

Cun cu inn a dohtu bik a laifang tung pahnih hna cu, Samson nih fek tein a tlaih hna i, a orhlei kut in pakhat a kehlei kut in pakhat a tlaih hna i, a koih hna.

BIACEIHTU 9:23

Cun Pathian nih Abimelek le Shekhem khuami hna karlak ah khan thlarau ṭhalo a thlah i Shekhem khuami nih khan Abimelek cu an rawi;

1 SAMUEL 11:6

Cun hi bia kha Saul nih a theih tikah Pathian thlarau cu Saul cungah hmual fak piin a tlung i fak piin a thin a hung.

1 SAMUEL 16:15

Cun Saul cu a sinum hna nih khan, “Zohhmanh, Pathian sinin a rami thlarau ṭhalo nih awlok an chonh hih.

1 SAMUEL 16:16

Kan bawipa nih nangmah hmai i a ummi na sal hna hi, tingtang tum a thiammi kawl awkah nawl kan pe tuah; Pathian sinin a rami thlarau ṭhalo kha na cungah a um tikah amah nih cun a tum lai i na dam lai,” tiah an ti.

1 SAMUEL 16:23

Cun Pathian sinin a rami thlarau ṭhalo kha Saul cungah a tlun fate, David nih khan tingtang kha aa lak i a kut in a tum tawn; cucaah Saul cu aa hrim ṭhan tawn i a dam; cun thlarau ṭhalo nih khan a chuahtak tawn.

1 SAMUEL 18:10

Cun a thaizing ah thlarau ṭhalo Pathian sinin a rami kha Saul cungah a tlung i David nih ni khat hnu ni khat a tum tawn bang khan tingtang kha a tum lioah, a inn chungah molh bia kha a chim lengmang ko. Saul nih a fei kha a kut in aa put i

1 SAMUEL 18:12

Saul nih David kha a ṭih; zei-cahtiah amah sinah khan Bawipa a um, sihmanhsehlaw Saul kha cu a chuahtak cang.

1 SAMUEL 28:15

Cun Samuel nih Saul cu, “Zei-cahdah na hun ka chuahternak hin hna na ka hnawh?” tiah a ti. Saul nih a leh i, “Harnak nganpi chungah ka um; zeitintiah Filistin mi nih an ka tuk i Pathian nih hnulei a ka chit cang i profet hna sinin siseh, mang in siseh a ka let ti lo; cucaah nangmah cu zeidah ka tuah awk a si kha a ka chimtu dingah kan kawh,” tiah a ti.