1 SAMUEL 15:33 - Lai (Hakha) Common Language Bible 2006

³³ Cun Samuel nih, “Nangmah na vainam nih nu kha fa loin a tuah hna bantukin, cu bangin na nu cu nu hna lakah fa ngei lomi a si ve lai,” tiah a ti. Cun Samuel nih Agag cu Bawipa hmaiah Gilgal khua ah cun a sam cikcek.

1 SAMUEL 15:33 ပူးပေါင်းရင်းမြစ်များ

GENESIS 9:6

Minung cu Pathian mui keng in sermi a si caah, minung a thatmi cu, a minung hawi nih an thah ve lai.

1 SIANGPAHRANG 18:40

Cun Elijah nih annih cu, “Baal profet kha tlai hna u, pakhat hmanh luatter hna hlah u,” tiah a ti. Cun annih nih an tlaih hna i Elijah nih Kishon tivate ah khan a vun kalpi hna i khika ah a thah hna.

EXODUS 17:11

Moses nih a ban a hler hna chung paoh cu Israel mi nih khan an tei lengmang hna, sihmanhsehlaw a ṭhumh hna paoh ah cun Amalek mi nih khan an nawr ve tawn hna.

EXODUS 21:24

mit caah mit ve, ha caah ha ve, kut caah kut ve, ke caah ke ve,

ISAIAH 34:6

A nam ah cun an thi le an thau kha tlor zelzul in an i neh lai, raithawinak ah an hmanmi tuufa hna thi le thau bantuk le meheh thi le thau bantuk kha an si lai. Bawipa nih hi raithawinak cu Bozrah khua ah khan a tuah lai; hi bantukin a nganmi thahnak cu Edom ram ah khan a tuah lai.

JEREMIAH 18:21

Cucaah an fale hna cu mangṭam tonter hna, Vainam sinah khan kaltak men ko hna. An nupile hna cu fa ngei lo le nuhmei siter ko hna, an pale hna cu thihnak nih kalpi ko hna seh, An tlangval hna cu raltuknak hmun ah vainam in thi hna seh.

JEREMIAH 48:10

Daithlang in Bawipa rian a ṭuanmi cu chiat ko seh! Thisen chuah awkah a nam a hmang duh lomi cu chiat ko seh!

HOSEA 6:5

Cucaah nan cung i biaceihnak bia le rawhralnak bia a chimtu ka profet cu kan thlahhnawh hna. Ka mi nih tuah hna seh tiah kan duhmi hna cu a fiang i a tliang ko:

NAMBAR 14:45

Cun cu tlangram i a ummi Amalek mi le Kanaan mi hna nih an rung ṭum i an rung tei hna i an dawi hna, Hormah tiangin.

MATTHAI 7:2

midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

BIAPHUAN 18:6

Amah nih a rak in tuah hna bantukte khan amah cu tuah ṭhan ve u; a let hnih in cham u, Nanmah din awkah a rak tuahmi a let hnih ṭhawng khan, Amah din awk cu a hrai chungah khan serpiak u.

BIACEIHTU 1:7

Cun Adonibezek nih cun, “An siapi hna le an kepi hna tan a simi siangpahrang sawm sarih nih ka cabuai toiah rawl ṭiltlawt an char tawn; ka rak tuah bangin Pathian nih a ka rulh ve cang,” tiah a ti. Jerusalem ah an ratpi i khika ah a thi.

1 SAMUEL 10:8

Cun keimah hlanah Gilgal ah na rak kal lai i, zohhmanh, nangmah sinah khangh thawinak pekchanh awk le daihnak pekchanhnak thawi awkah ka ra lai. Nangmah sinah ka rat i nangmah nih zeidah na tuah awk a si kha kan hmuhsak hlantiang, ni sarih na rak ka hngah lai,” tiah a ti.

1 SAMUEL 15:32

Khi tikah Samuel nih, “Amalek mi siangpahrang Agag kha hika ah hin, ka sinah ratpi tuah u,” tiah a ti. Cun Agag cu a sinah cun thanuam ngaiin a ra. Agag nih cun, “Thihnak a khaatnak cu ka lonh cang ko hnga lo maw cu,” tiah a ti.