1 SAMUEL 15:30 - Lai (Hakha) Common Language Bible 2006

³⁰ Cun amah nih khan, “Ka sual ko cang; sihmanhsehlaw atu cu ka mi hna i an upa hna hmai le Israel mi hmaiah hin upatnak ka pe law ka kirpi ko. Bawipa na Pathian cu ka biak nakhnga,” tiah a ti.

1 SAMUEL 15:30 ပူးပေါင်းရင်းမြစ်များ

2 SAMUEL 12:13

Cun David nih Nathan sinah cun, “Bawipa sinah ka sual cang,” tiah a ti. Cun Nathan nih David cu, “Bawipa zong nih na sualnak kha an ngaihthiam cang, na thi lai lo.

EXODUS 9:27

Faro nih Moses le Aaron kha a auhter hna i, “Tutan cu keimah ka sual; Bawipa cu ahmaan i kei le ka mi hna cu kan palh.

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

HABAKKUK 2:4

Cun a bia cu hihi a si: “A ṭha lomi cu a nung lai lo. Sihmanhsehlaw a dingmi cu a nung lai. Pathian sinah zumhtlak a sinak thawngin a nung lai,” a ti.

JOHAN 12:43

Minung sinin mithmai ṭha hmuh kha Pathian sin i hmuh nakkhan an duh deuh.

JOHAN 5:44

Nannih cu pakhat nih pakhat sinin thangṭhatnak hmuh nan duh, asinain Pathian sinin thangṭhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga.

2TIMOTE 3:5

kan biaknak phung hi a lenglei in an i tlaih lai, sihmanhsehlaw a chung i a ummi ṭhawnnak taktak kha cu an duh lai lo, cu hna cu hrial i zuam hna.

1 SAMUEL 15:31

Cucaah Samuel nih Saul cu a kirpi i Saul nih Bawipa kha a biak.

1 SAMUEL 26:21

Khi tikah Saul nih, “Ka palh cang, ra kir tuah, ka fapa David, ka nunnak cu na mit ah nihin ah hin a sun caah na cungah harnak ka tuah ti lai lo; zohhmanh, ka rak hrut hrimhrim ko i fak piin ka palh cang,” tiah a ti.