1 SAMUEL 15:29 - Lai (Hakha) Common Language Bible 2006

²⁹ Cun Israel Sunparnak nih khan lih zong a chim lai lo i a ngaih zong aa ngaichih lai lo; zeitintiah i ngaihchih awkah amah cu minung a si ṭung lo,” tiah a ti.

1 SAMUEL 15:29 ပူးပေါင်းရင်းမြစ်များ

1 CHANRELNAK 29:11

Maw Bawipa, lianhngannak le ṭhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw Bawipa, pennak cu nangmah ta a si i nangmah cu zeizong vialte cungah cungnung bik na si.

SALM 29:11

Bawipa nih a mi cu thazang a pek hna i thluachuah daihnak a pek hna.

SALM 68:35

Pathian, Israel Pathian, a hmunthiang chung in a rami cu zeitluk in dah ṭihnung a si! A mi cu ṭhawnnak le lianhngannak a pek hna. Pathian cu thangṭhat ko u!

SALM 95:11

Ka thin a hung i, “Dinhnak ka pek hnanak ding ram chungah cun an lut hrimhrim lai lo,’ tiin chiatser in bia ka chim,” a ti.

ISAIAH 45:24

“Nangmah thawng lawnglawng in teinak le ṭhawnnak kha hmuh khawh a si,” an ti lai. Sihmanhsehlaw a ka huami cu ningzahnak an ing lai.

EZEKIEL 24:14

“Bawipa nih ka chim cang; a caan cu a ra lio ko, ka ṭuan lai. Kaa sum lai lo, zaangfahnak zong ka ngei lai lo, a let zong kaa let lai lo; nangmah cu na ziaza le na tuahmi vialte ruangah khan bia kan ceih lai. Mah hihi Bawipa bia hrimhrim a si,” tiah a ti.

JOEL 3:16

Bawipa cu Zion tlang cungin a rung huk i Jerusalem in khuarit in a rung ri. Van le vawlei cu an i hnin dih, Sihmanhsehlaw Bawipa cu a mi hna caah cun himnak a si i Israel mi caah cun ralhruang a si.

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

DEUTERONOMI 33:27

Zungzal hmunmi Pathian cu na umnak hmun a si i Na tangah zungzal hmunmi ban kha an um. Cun ral kha na hmaiah a dawi i ‘Hrawk tuah,’ tiah a ti.

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

2TIMOTE 2:13

Zumh awk tlak loin kan um hmanh ah, anih cu zumh awk tlak a si ko. Zeicahtiah amah le amah cu aa hleng kho lo.”

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

HEBRU 7:21

Sihmanhsehlaw Jesuh cu chiatser tein tlangbawi ah ser a si i Cathiang nih amah kong ah cun, “Bawipa nih chiatser tein bia a chim cang i a bia cu a let lai lo: ‘Nangmah cu zungzal in tlangbawi na si lai,’ a ti,” tiah a ti.