1 SAMUEL 15:28 - Lai (Hakha) Common Language Bible 2006

²⁸ Cun Samuel nih amah cu, “Bawipa nih Israel pennak cu nangmah sinin nihin ah hin a thleh cang i nangmah nakin a ṭha deuhmi na innpa sinah khan a pek cang.

1 SAMUEL 15:28 ပူးပေါင်းရင်းမြစ်များ

2 SAMUEL 3:18

Cucaah atu cu tlinter tuah u; zeitintiah Bawipa nih David cu bia a kam i, ‘Ka sal David kut in ka mi Israel mi hna cu Filistin mi kut chung le an ral vialte hna kut chungin ka chuah hna lai,’ a ti,” tiah a ti.

2 SAMUEL 3:9

Pennak cu Saul hrin chungin ṭhial i David bawi ṭhutdan cu Israel le Judah cungah Dan in Beersheba tiang fehter awkah Bawipa nih a sin i chiat a sermi kha David caah ka tlinter lo ahcun, Pathian nih cu bantukin le tam deuh zongin Abner cungah hin tuah ko seh,” tiah a ti.

2 SAMUEL 6:21

Cun David nih Mikhal cu, “Na pa le a innchungkhar vialte nakin keimah kha a ka thim i Israel mi cung i bawi a ka cantertu Bawipa hmaiah pei a si tiah — Bawipa hmaiah cun thanuamnak ka tuah ko lai.

1 SIANGPAHRANG 11:11

Cucaah Bawipa nih Solomon cu a thawh i, “Mah hihi na lungthin a si i nawl kan pekmi ka biakamnak le ka nawlbia kha na zulh hna lo caah, nangmah sin hin pennak hi ka thleh hrimhrim lai i na sinum sinah ka pek lai.

1 CHANRELNAK 10:14

Bawipa sinin lam hmuhsaknak kawl loin khuavang thitlawnthiam sin tu in lam hmuhsaknak kha a kawl i a hal kha a si. Cucaah Bawipa nih a thah i pennak cu Jesse fapa David sinah khan a pek.

JOB 34:24

Dothlatnak kha zeihmanh a tuah lo, sihmanhsehlaw a ṭhawngmi kha a hrawh hna i an hmun ah midang a chiah hna.

DANIEL 4:17

Hi kong cu cawngtu vancungmi hna nih an ruah ciami a si. Cucaah khuazeika ram i a ummi minung paohpaoh hna nih, Cung Nung Bik Pathian nih cun minung pennak cungah nawl a ngei ti kha hngal hna seh. A duhmi paoh kha siangpahrang ah a ser khawh ko hna, santlailo bik hmanh kha a ser khawh ko hna, ti kha hngal hna seh,” a ti.

DANIEL 4:32

Minung bu sinin ṭhawl na si cang i ram sa sinah na um cang lai; cawtum bantukin ram kha kum sarih chung na ei lai. Cu tikah Cung Nung Bik nih hin minung hna pennak chungah hin uktu bawi a si i pek a duhmi hna sinah a pek ko dah ee, ti kha na hngalh lai,” tiah a ti.

JOHAN 19:11

Jesuh nih cun, “Ka cung i nawl na ngeih hi Pathian nih an pek ca lawngah a si. Cucaah nangmah kut i a ka chantupa hi a sual deuh,” tiah a ti.

LAMKALTU 13:22

Amah cu a phuah hnuah Pathian nih cun David kha an siangpahrang ah a ser. Amah kongah Pathian nih a chimmi cu, ‘Jesse fapa David hi ka duhmi phun a si, amah hi tuah tiah ka fialmi a tuah duh dingmi a si,’ ti hi a rak si.

ROM 13:1

Ram uktu bawi kha an nawl va ngai hna u, zeicahtiah Pa-thian hnatlaknak tel loin nawl ngeitu ahohmanh an um lo i nawl ngei liomi hna hi Pathian nih a chiahmi hna an si.

1 SAMUEL 13:14

Sihmanhsehlaw atu cu na pennak hi aa pehtlai lai lo; zeitintiah Bawipa nih amah duhning lungthin a pumi pakhat a kawl cang; cun nangmah nih Bawipa nih an pekmi nawlbia kha na zulh hna lo caah, a mi hna cung i bawi sinak kha Bawipa nih amah cu a pek cang,” tiah a ti.

1 SAMUEL 16:12

Cun a hei thlah hna i an run luhpi. Amah cu mi sen tertar te, mit au dawh ngai, midawh ngai a si. Cun Bawipa nih, “Tho law, amah cu thuh tuah; zeicahtiah amah hi dahkaw a si cu,” tiah a ti.

1 SAMUEL 18:8

Cun Saul cu a thin a hung ngaingai i hi chimnak nih hin a lawmh loter ngaingai; aa thawh i, “David vial cu a sang sang that ah an rel i kei tu cu a thong thong that ceo ah an ka rel; pennak hi dah ti lo cu zeidah cu hleiah a ngeih ding a um ti?” tiah a ti.

1 SAMUEL 25:30

Cun Bawipa nih ka bawipa cungah nangmah kong i a chimmi ṭhatnak vialte kha a tuah dih tikah le Israel cungah bawi i an chiah tikah,