1 SAMUEL 15:23 - Lai (Hakha) Common Language Bible 2006

²³ Zeitintiah ralchanh hman hi litin bantukin sual a si ve i, Lungkhon hi ṭhat lo le siasal biak he an i tluk. Nangmah nih Bawipa bia na al cang caah amah zong nih nangmah cu siangpahrang sinak khan an hlawt cang,” tiah a ti.

1 SAMUEL 15:23 ပူးပေါင်းရင်းမြစ်များ

GENESIS 31:19

Laban cu a tuu hmul meh ah khan a kal i a um lo karah a pa ta a simi an chungkhar pathian hna kha Rachel nih a rak fir hna.

GENESIS 31:34

Rachel nih khan an innchungkhar pathian kha rak la hna kaw cucaah cun kalauk kengdan chungah a chiah hna i an cungin a ṭhut danh hna. Laban nih cun thlam cu a kawl dih sihmanhsehlaw a hmu hna lo.

2 SAMUEL 12:9

Zeicahdah ka mithmuh i ṭhat lonak tuah awkah Bawipa ka bia cu na zawmhtaih? Hit mi Uriah cu vainam in na tuk i a nupi cu nupi ah naa lak i amah cu Ammon mi hna vainam in na thah.

2 SAMUEL 7:15

sihmanhsehlaw nangmah hmai in ka ṭhialmi Saul sinin ka lak bantuk khan a sinin a fekmi ka dawtnak cu ka la lai lo.

1 CHANRELNAK 10:13

Cuticun zumhawktlak a si lo ruangah Saul cu a thi; Bawipa sinah zumh tlak a si lonak cu Bawipa nawlbia a zulh lonak kha le

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

JOB 34:37

Zeicahtiah sualnak ah hin ralthawhnak a chapchih i Pathian kha dong loin a thangchiat,’ ” tiah a ti.

SALM 107:11

zeicahdah hi bantukin an si ti ahcun, Lianngan Bik Pathian nawl zulh kha an duh lo i a cawnpiak hnanak kha an al caah a si.

EXODUS 22:18

“Hnam ngeimi nu kha nan nunter hna lai lo.

ISAIAH 19:3

Izipt mi an khuakhannak kha ka tuai lai i an lung ṭhawnnak kha ka zorter lai. An siasal kha, kan bawm u, tiah an ti hna lai; khuavang kha zeitindah kan um lai tiah an hal hna lai i mithi thlarau kha ruahnak kan cheu u tiah an ti hna lai.

ISAIAH 8:19

Kutṭial zoh thiammi hna le thitlawn thiam hna, a awn a aumi kha, hal hna u, tiah mi nih an in ti hna lai. An in thawh hna lai i, “A donghnak in ti ahcun, mi nih hin thlarau kha pei bia an hal awk hna a si i mithi kha pei a nungmi can ah an tlawn awk hna a si cu,” an ti lai.

JEREMIAH 16:12

Cun nannih hi nan pupa hna nak chia deuh in nan um i milungkhong, miṭhalo nan si i ka bia kha ngaih nan duh lo.

JEREMIAH 28:16

Cucaah Bawipa nih hi bangin a ti: ‘Zohhmanh, vawleicung in nang cu kan ṭhial lai. Bawipa dohnak kha na chim caah tukum chung hrimhrim ah na thi lai,’ a ti,” tiah a ti.

JEREMIAH 29:32

“Keimah Bawipa nih, Shemaiah le a tefa vialte cu dan ka tat hna lai. Amah cu ka thlahmi a si lo. Asinain profet bantukin bia a chim hna i lih kha a zumhter hna. Nan lakah tefa zeihmanh a ngeih hna lai lo. Ka mi hna cu, keimah doh awk kha a fial hna caah ka mi hna ca i thil ṭha ka tuah ding kha a thih hlanah a hmu manh hna lai lo. Keimah Bawipa nih hi bia cu ka chim,” tiah a ka ti.

HOSEA 13:11

Ka thinhun in siangpahrang cu kan pek hna, ka thinlinh in anmah cu ka lak ṭhan hna.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

LEVITIKAS 20:27

Pa siseh, nu siseh, khuavang ngei maw camhthiam maw a si ahcun thah a si lai; lung in cheh an si lai; an thisen cu anmah cungah a si lai.”

LEVITIKAS 20:6

“Mi pakhatkhat nih khuavang le camhthiam kha a fuhpanh hna i hlawh a hlanhnawh hna ahcun, cu mi cu ka hmai ka chiathnawh lai i a mi hna lak in ka hlonh lai.

NAMBAR 14:9

Bawipa cu a doh bel do sawh hlah u; cun cu rammi cu ṭih hna hlah u, zeitintiah kan caah rawl pei an si ko cu; annih an himnak cu an sinin ṭhial a si cang, Bawipa cu kanmah he pei a um cu, ṭih hna hlah u,” tiah an ti.

LAMKALTU 13:22

Amah cu a phuah hnuah Pathian nih cun David kha an siangpahrang ah a ser. Amah kongah Pathian nih a chimmi cu, ‘Jesse fapa David hi ka duhmi phun a si, amah hi tuah tiah ka fialmi a tuah duh dingmi a si,’ ti hi a rak si.

2 KORIN 6:16

Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.

GALATI 5:20

siasal biak tehna le dawih le eih tehna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen,

DEUTERONOMI 9:24

Kan hngalh hna ni ri in nannih cu Bawipa kha a ralchanhmi nan si ko.

DEUTERONOMI 9:7

Ramlak ah Bawipa na Pathian zeitluk in dah a thin na phawh kha hngal camcin tuah law, philh hlah; Izipt ram in na chuah ni ri in hika hmun na phak tiang, Bawipa cu na ralchanh lengmang ko.

JOSHUA 22:15

Cun Gilead ram i Reuben mi hna le Gad mi hna le Manasseh phun cheu hna sinah khan an ra i annih cu,

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

1 SAMUEL 13:14

Sihmanhsehlaw atu cu na pennak hi aa pehtlai lai lo; zeitintiah Bawipa nih amah duhning lungthin a pumi pakhat a kawl cang; cun nangmah nih Bawipa nih an pekmi nawlbia kha na zulh hna lo caah, a mi hna cung i bawi sinak kha Bawipa nih amah cu a pek cang,” tiah a ti.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.

1 SAMUEL 28:3

Samuel kha atu cu a thi cang i Israel mi vialte nih an ṭah i amah khua Ramah ah khan an vui. Cun Saul nih thitlawnthiam le hnamngei kha ram chungin a dawi dih hna.