1 SAMUEL 15:20 - Lai (Hakha) Common Language Bible 2006

²⁰ Cun Saul nih Samuel sinah cun, “Bawipa aw cu ka zulh ko, Bawipa nih a ka thlahnak rian ah khan ka kal ko, Amalek siangpahrang Agag kha ka ratpi i Amalek mi kha ka hrawh cikcek ko hna.

1 SAMUEL 15:20 ပူးပေါင်းရင်းမြစ်များ

JOB 33:9

‘Ka thiang, sualpalhnak ka ngei lo, soiselnak ka ngei lo i ṭhat lonak ka chungah a um lo.

JOB 34:5

Zeicahtiah Job nih aa thawh i, ‘Kei cu sualnak ka ngei lo i Pathian nih ka dinnak kha a ka lakpiak;

JOB 35:2

“Naa thawh i, ‘Zei ṭhathnemnak dah ka hmuh? Rak sual hmanh ning law, atu ah hin tah cu nakcun ṭhathnemnak zei ka hmu hlei kun maw?’ na ti tikah hin, Mah hihi a ṭhami bia a si tiah ruat in Pathian hmaiah ka ding ko, tiah na ti maw?

JOB 40:8

Nangmah cu na ding lo na ka ti ngam lai maw? Asiloah, nangmah cu na din nakhnga keimah cu na palh na ka ti lai maw?

MATTHAI 19:20

“Hi nawlbia cu ka zulh dih cang hna. Zeidah zulh awk ka herh rih?” tiah a ti.

LUKA 10:29

Sihmanhsehlaw Phungbia cawnpiaktu sayapa nih cun thiam hun i coh kha a duh i, “Ahodah ka innpa cu a si?” tiah Jesuh kha a hal.

LUKA 18:11

Farasi pa cu a dir i hi bantukin thla a cam: ‘Maw Pathian, kei cu midang bantukin hak a kaumi, lih a chimmi, nu le pa sualnak a tuahmi, ka si lo caah nangmah cu kan lawmh; cun khi ngunkhuai khawltupa bantuk zong khi ka si lo caah kan lawmh fawn.

ROM 10:3

Pathian nih zei lam in dah minung cu Amah he a remter hna ti kha an hngal lo i anmah tu nih khan cu lam cu an i ser; cucaah Pathian nih minung cu Amah he a remter hnanak lam kha an cohlang duh lo.

1 SAMUEL 15:13

Cun Samuel cu Saul sinah a ra i Saul nih khan amah cu, Bawipa nih thluachuahnak in pe ko seh; Bawipa nawlbia cu ka tuah cang,” tiah a ti.

1 SAMUEL 15:3

Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo nu thlulo, ngakchia thlulo, bawhte thlulo, tuu thlulo, kalauk thlulo, laa thlulo in va that hna,’ a ti,” tiah a ti.

1 SAMUEL 15:8

Cun Amalek mi siangpahrang Agag kha a nung in a tlaih i mi vialte kha vainam in a sam dih hna.

1 SAMUEL 28:18

Nangmah nih Bawipa aw kha na zul lo i Amalek cung i a thinhunnak ṭihnung kha na tlinter lo caah, kha caah khan nihin ah hin Bawipa nih na cungah mah hi a tuah.