1 SAMUEL 15:17 - Lai (Hakha) Common Language Bible 2006

¹⁷ Cun Samuel nih, “Nangmah naa ruahnak ah mi hmete si hmanh law, Israel miphun hna lu na si lo maw? Bawipa nih Israel mi siangpahrang ah chiti an thuh cang.

1 SAMUEL 15:17 ပူးပေါင်းရင်းမြစ်များ

HOSEA 13:1

Efraim phun mi nih bia an chim tikah midang nih khan an rak ṭih tawn hna; Israel mi a dang hna nih khan an rak zohcho hna. Sihmanhsehlaw annih nih Baal an biak ruangah khan an sual i hi ruangah hin an thi lai.

MATTHAI 18:4

Vancung Pennak chung i a ngan bik cu mi toiah aa dor i hi ngakchia bantuk ah aa cangmi cu a si.

BIACEIHTU 6:15

Cun anih nih a sinah, “Bawipa, kan nawl ko, zeitindah Israel cu ka chuah khawh lai? Zohhmanh ka phun cu Manasseh chungah a der bik a si i kanmah innchungkhar chungah keimah cu a hme bik ka si,” tiah a ti.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.

1 SAMUEL 10:22

Cucaah Bawipa kha an hal ṭhan i, “Mipa kha hika ah a ra maw?” an ti. Cun Bawipa nih, “Zohhmanh, thilri lakah aa thup ko,” tiah a ti.

1 SAMUEL 15:16

Khi tikah Samuel nih Saul cu, “Ngol rih hmanh! Zahan ah Bawipa nih a ka chimhmi cu kan chim hmanh lai,” tiah a ti. Cun anih nih, “Chim ko,” tiah a ti.

1 SAMUEL 9:21

Cun Saul nih a leh i, “Keimah cu Israel phun hna lakah a hme bik Benjamin phun mi ka si lo maw? Cun ka chungle hna cu Benjamin phun chung i a ummi chungkhar vialte hna lakah a nauta bik an si lo maw? A si kun ahcun, zeicahdah mah bantuk hin ka sinah bia na chim?” tiah a ti.